ଭୁବନେଶ୍ବର: ଧାନ କିଣାରେ ଅବ୍ୟବସ୍ଥା ପ୍ରସଙ୍ଗକୁ ନେଇ 2 ଦିନ ଧରି ବିଧାନସଭାରେ ହଟ୍ଟଗୋଳ ଏବଂ ଅଚଳାବସ୍ଥା ଲାଗି ରହିଥିଲା । ବାରମ୍ବାର ଗୃହ ମୁଲତବୀ କରିବାକୁ ପଡିଥିଲା ବାଚସ୍ପତିଙ୍କୁ । ମଙ୍ଗଳବାର ପ୍ରଥମେ ୧୦.୩୦ ରୁ ୧୧.୩୦ ଓ ୧୧.୩୧ରୁ ୧୨.୫୦ ଯାଏ ମୁଲତବୀ ରଖିଥିଲେ ବାଚସ୍ପତି । ଯଦ୍ବାରା ପ୍ରଶ୍ନକାଳ ଓ ଶୂନ୍ୟକାଳ କାର୍ଯ୍ୟକ୍ରମ ହୋଇ ପାରିନଥିଲା । ଫଳରେ ବାଚସ୍ପତି ସର୍ବଦଳୀୟ ବୈଠକ ଡାକି ଆଲୋଚନା କରିବା ପରେ ଗୃହ କାର୍ଯ୍ୟ ସ୍ୱାଭାବିକ ହୋଇଛି ।
ସର୍ବଦଳୀୟ ବୈଠକ ପରେ ବାଚସ୍ପତି କହିଥିଲେ ରାଜ୍ୟରେ ଟୋକନ ମାଧ୍ୟମରେ ଧାନ କିଣା ସମ୍ପର୍କରେ ଯେଉଁ ସମସ୍ୟା ଉପୁଜିଛି ସେ ନେଇ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ସମ୍ପୂକ୍ତ ବିଧାୟକମାନଙ୍କ ସହ ଆଲୋଚନା କରିଛନ୍ତି ଏବଂ ଆବଶ୍ୟକ ପଦକ୍ଷେପ ମନ୍ତ୍ରୀ ନେବେ । ପଞ୍ଜୀକୃତ ଚାଷୀଙ୍କ ଧାନ ସରକାରଙ୍କ ନିଷ୍ପତ୍ତି ଅନୁଯାୟୀ ୩୧ ମାର୍ଚ୍ଚ ୨୦୨୦ ସୁଦ୍ଧା କିଣାଯିବ ବୋଲି ବାଚସ୍ପତି ପ୍ରତିଶୃତି ଦେଇଥିଲେ ।
ପରେ ଗୃହକାର୍ଯ୍ୟ ସ୍ବାଭାବି ହୋଇଥିଲା । ଏହାସହ ଗୃହ ସ୍ବାଭାବିକ ଭାବେ ଜାରି ରହିଛି ।
ଭୁବନେଶ୍ବରରୁ ଜ୍ଞନଦର୍ଶୀ ସାହୁ, ଇଟିଭି ଭାରତ
