ଭୁବନେଶ୍ବର: 'ଜୟ ଯବାନ ଜୟ କିଷାନ'କୁ ନେଇ ଏହି ସ୍ଲୋଗାନ ସମସ୍ତଙ୍କୁ ଅବଗତ । ମାତ୍ର ଏହି ସ୍ଲୋଗାନରେ କୃଷକ ଓ ଯବାନ ମାନଙ୍କ ଅବଦାନ କଥା କୁହାଯାଉ ଥିବାବେଳେ ଯେତିକି ସମ୍ମାନ ଓ ଆଦର ଜଣେ ସୈନିକକୁ ମିଳେ, ସେହି ସ୍ଥାନରେ ଜଣେ କୃଷକ ସବୁବେଳେ ଉପକ୍ଷିତ ହୁଏ । ଯାହାକୁ ନାଟକ 'ହେ ସ୍ରଷ୍ଟା' ଦ୍ବାରା ନିଖୁଣ ଭାବରେ ବର୍ଣ୍ଣନା କରାଯାଇଛି ।
ନାଟକରେ ଫୁଟି ଉଠିଲା କୃଷକଙ୍କ ଦୁଃଖ
ଭୁବନେଶ୍ବର ସ୍ଥିତ ସ୍ଥାନୀୟ ରବୀନ୍ଦ୍ର ମଣ୍ଡପ ଠାରେ ଏହି ନାଟକ ପରିବେଷଣ କରାଯାଇଛି । ନାଟ୍ୟ ସଙ୍ଘର ନିୟମିତ ନାଟକ କାର୍ଯ୍ୟକ୍ରମରେ ଭୁବନେଶ୍ବରର ପଞ୍ଚଧ୍ବନୀ ନାଟ୍ୟ ପରିଷଦ ପକ୍ଷରୁ ଏହାକୁ କରାଯାଇଛି । ଏହି ନାଟକର ସ୍ରଷ୍ଟା ନାଟ୍ୟକାର ପଞ୍ଚାନନ ଦାସ ହୋଇଥିବାବେଳେ ଏହାକୁ ନିର୍ଦ୍ଦେଶନା ଦ୍ବାରା ରୁଦ୍ଧିମନ୍ତ କରିଛନ୍ତି ଦୀପ୍ତିରଞ୍ଜନ ଦାସ ।
ଏହି ନାଟକଟି ପ୍ରେକ୍ଷାଳୟରେ ଉପସ୍ଥିତ ଦର୍ଶକଙ୍କୁ ମନୋରଞ୍ଜନ ଦେବା ସହିତ କୃଷକର ଦୁଃଖ ଓ ସମାଜର କୃଷକ ପ୍ରତି ଅବହେଳାକୁ ଖୁବ ନିଖୁଣ ଭାବେ ମଞ୍ଚରେ ଉପସ୍ଥାପନ କରାଯାଇଥିଲା ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ,ଇଟିଭି ଭାରତ
