2020ରେ ନିଲାମ ହେବ 40 ଖଣି

ରାଜ୍ୟରେ ୨୦୨୦ ମାର୍ଚ୍ଚ ମାସ ସୁଦ୍ଧା ମୋଟ ୪୦ଟି ଖଣି ନିଲାମ କରାଯିବ । ଏନେଇ ରାଜ୍ୟ ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ ମଲ୍ଲିକ ସୂଚନା ଦେଇଛନ୍ତି ।

ଭୁବନେଶ୍ବର: ନିଲାମ ହେବ ଖଣି । ଆଗାମୀ 2020 ମାର୍ଚ୍ଚ ସୁଦ୍ଧା 40ଟି ଖଣିକୁ ନିଲାମ କରାଯିବ । ଏନେଇ ସୂଚନା ଦେଇଛନ୍ତି ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ ମଲ୍ଲିକ ।

2020 ମାର୍ଚ୍ଚ ସୁଦ୍ଧା 24 ଖଣିର ନିଲାମ ଅବଧି ଶେଷ ହେଉଛି । ତେଣୁ ଏହାକୁ ନିଲାମ କରାଯିବ । ସେହିପରି ପ୍ରଥମଥର ପାଇଁ 16ଟି ଖଣିର ମଧ୍ୟ ନିଲାମ କରାଯିବ । ବର୍ତ୍ତମାନ ସୁଦ୍ଧା 7ଟି ଖଣିର ନିଲାମ ସରିଛି । ନିଲାମ ଯୋଗୁଁ କଞ୍ଚାମାଲ ଯୋଗାଣ ପ୍ରଭାବିତ ନ ହେବା ସହ ଅନ୍ୟକାମ ଉପରେ ମଧ୍ୟ ପ୍ରଭାବ ପଡିବ ନାହିଁ ବୋଲି ମନ୍ତ୍ରୀ କହିଛନ୍ତି ।

ଭୁବନେଶ୍ବରରୁ ତପନ ଦାସ, ଇଟିଭି ଭାରତ