କଟକ: ନୂଆ ବର୍ଷ ପୂର୍ବରୁ ବରିଷ୍ଠ ପୋଲିସ ଅଧିକାରୀଙ୍କୁ ରାଜ୍ୟ ସରକାରଙ୍କ ନୂଆ ବର୍ଷ ଭେଟି । ପଦୋନ୍ନତି ପାଇଲେ ବରିଷ୍ଠ ପୋଲିସ ଅଧିକାରୀ ।
2004 ବ୍ୟାଚର 3 ଜଣ ବରିଷ୍ଠ IPS ଡ.ଦୀପକ କୁମାର, ଆଶିଷ କୁମାର ସିଂହ ଏବଂ ସତ୍ୟବ୍ରତ ଭୋଇଙ୍କୁ ପଦୋନ୍ନତି ମିଳିଛି । ଉଭୟ 3 ଜଣ ଆଇପିଏସ ଅଧିକାରୀ ବର୍ତ୍ତମାନ ଡିଆଇଜି ( Deputy Inspector General of Police) ଭାବେ କାର୍ଯ୍ୟ କରୁଛନ୍ତି । ଏହି 3 ଅଫିସରଙ୍କୁ ସରକାର ଆଇଜି Rank (Inspector General of Police) କୁ ପଦନ୍ନୋତି ଦେଇଛନ୍ତି ।
ସେହିପରି ୨୦୦୮ ବ୍ୟାଚର ୩ ଆଇପିଏସଙ୍କୁ ଡିଆଇଜି ଭାବେ ପଦୋନ୍ନତି ମିଳିଛି । ସେମାନଙ୍କ ମଧ୍ୟରେ ଅଛନ୍ତି ଡ. ଉମାଶଙ୍କର ଦାସ, ପ୍ରକାଶ ଆର. ଓ ସତ୍ୟଜିତ ନାଏକ ।
ସେହିଭଳି 2013 ବ୍ୟାଚର 6 ଜଣ ଆଇପିଏସଙ୍କୁ କନିଷ୍ଠ ପ୍ରଶାସକ ଭାବେ ଦାୟିତ୍ବ ମିଳିଛି । ଏମାନେ ହେଉଛନ୍ତି 2013 ବ୍ୟାଚ IPS ଅନୁପମା ଜାମେସ, ଆଇପିଏସ ରାହୁଲ ପିଆର, ଆଇପିଏସ ପିଏସ ପରମର, ଆଇପିଏସ ଜଗମୋହନ ମୀନା, ଆଇପିଏସ ମୁକେଶ କୁମାର ଭାମୋ, ଓ ଆଇପିଏସ ଏଲ ଦିବ୍ୟା ।
କଟକରୁ ନାରାୟଣ ସାହୁ, ଇଟିଭି ଭାରତ
