ଭୁବନେଶ୍ବର: ଶୀତର ଆଗମନରେ ରାଜ୍ୟରେ ଧିରେ ଧିରେ ବୃଦ୍ଧି ପାଉଛି ଶୀତର ଲହରୀ। ପ୍ରତ୍ୟେକ ଦିନ ଏବେ 10 ଡିଗ୍ରୀ ତଳେ ରହୁଛି 3ଟି ସହରର ତାପମାତ୍ରା। ଥଣ୍ଡାରେ ଥରୁଛନ୍ତି ଲୋକେ। ସକାଳୁ ସକାଳୁ ଲାଗୁଛି ଚା' ଦୋକାନରେ ପ୍ରବଳ ଭିଡ । ତେବେ ସୋମବାର ରିପୋର୍ଟ ଅନୁସାରେ ୯.୪ ଡିଗ୍ରୀ ସେଲସିୟସ ସହ ସୋନପୁର ପାଲଟିଛି ସବୁଠୁ ଥଣ୍ଡା ସହର।
ରାଜ୍ୟ ପାଣିପାଗ ବିଭାଗର ସୂଚନା ମୁତାବକ, ରାଜ୍ୟର ୧୧ଟି ସ୍ଥାନରେ ୧୫ ଡିଗ୍ରୀ ଠାରୁ କମ ତାପମାତ୍ରା ରେକର୍ଡ ହୋଇଛି । ସୋନପୁର ୯.୪ C ଦାରିଙ୍ଗବାଡି ୯.୫ C, ଫୁଲବାଣୀ ୧୦.୦ C, ଅନୁଗୁଳ ୧୧.୦ C, କୋରାପୁଟ ୧୧.୨ C, ଭବାନୀପାଟଣା ୧୧.୪ C, ଝାରସୁଗୁଡା ୧୩.୪ C, ତାଳଚେର ୧୩.୫°C, ବଲାଙ୍ଗୀର୧୪.୦ C, କେନ୍ଦୁଝର ୧୪.୪ C, ଏବଂ ମାଲକାନଗିରି ୧୪.୫°C ତାପମାତ୍ରା ରହିଛି ।
ସେହିପରି ରାଜଧାନୀ ଭୁବନେଶ୍ବରରେ ୧୬.୩°C ତାପମାତ୍ରା ରେକର୍ଡ ହୋଇଥିବା ବେଳେ, କଟକ ରେ ୧୬.୦°C ତାପମାତ୍ରା ରେକର୍ଡ ହୋଇଥିବା ସୂଚନା ଦେଇଛି ଆଞ୍ଚଳିକ ପାଣିପାଗ ବିଭାଗ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
