ଭୁବନେଶ୍ବର: ରାଜଧାନୀର ବସ୍ତି ଅଞ୍ଚଳରେ ବଢିବାରେ ଲାଗିଛି କୋରୋନା ସଂକ୍ରମଣ । ଫଳରେ ଗୋଟିଏ ଦିନରେ ରାଜଧାନୀରେ 215 ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରେ କ୍ବାରେଣ୍ଟାଇନ ସେଣ୍ଟରରୁ 150 ଜଣ ପଜିଟିଭ ଚିହ୍ନଟ ହୋଇଥିବା ବେଳେ 65 ଜଣ ସ୍ଥାନମୀୟ ସଂକ୍ରମଣର ଶିକାର ହୋଇଥିବା ଜଣା ପଡିଛି । ସେପଟେ ଗତ 24 ଘଣ୍ଟା ମଧ୍ୟରେ ଭୁବନେଶ୍ବରରେ 130 ଜଣ ଆକ୍ରାନ୍ତ ସୁସ୍ଥ ହୋଇଥିବା ଜଣା ପଡିଛି ।
ସୂଚନା ଅନୁଯାୟୀ ରାଜଧାନୀରେ ସଙ୍ଗରୋଧ କେନ୍ଦ୍ରରୁ 150 ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସେଥିମଧ୍ୟରୁ ଆଇଗିଣିଆ ଆଳୁ ଗଦି ଅଞ୍ଚଳରୁ 10 ଜଣ, ୟୁନିଟ 9 ଅଞ୍ଚଳରୁ 11 ଜଣ, ଏକ ଘରୋଇ ହସ୍ପିଟାଲରୁ 11 ଜଣ କର୍ମଚାରୀ, ୟୁନିଟ 4 ଅଞ୍ଚଳର ଏମଏଲଏ କଲୋନୀରୁ 9 ଜଣ, ୟୁନିଟ 3ରୁ 4 ଜଣ, ବରମୁଣ୍ଡାରୁ 3 ଜଣ, ନୟାପଲ୍ଲୀ ଅଞ୍ଚଳର ଗଣପତି ନଗରରୁ 3 ଜଣ, ବିଶ୍ବେଶ୍ବରୀ ବସ୍ତିରୁ 5 ଜଣ, ଗ୍ୟାରେଜ ଛକରୁ 5 ଜଣ, ରସୁଲ ଗଡର ଜିଜିପି କଲୋନୀରୁ 6 ଜଣ, ସରକାରୀ ହସ୍ପିଟାଲର 2 ଜଣ କର୍ମଚାରୀ, ବଡଗଡରୁ 2 ଜଣ, ୟୁନିଟ 9 ଅଞ୍ଚଳରୁ 2 ଜଣ, ଲକ୍ଷ୍ମୀ ବିହାରରୁ 3 ଜଣ ଚିହ୍ନଟ ହୋଇଛନ୍ତି ।
ସେହିପରି ଚନ୍ଦ୍ରଶେଖରପୁର ଅଞ୍ଚଳରୁ 2 ଜଣ, ୟୁନିଟ 4 ଅଞ୍ଚଳରୁ 3 ଜଣ, ସତ୍ୟନଗରରୁ 2 ଜଣ, ୟୁନିଟ 1 ମାର୍କେଟ ଅଞ୍ଚଳରୁ 2 ଜଣ, ବାପୁଜୀ ନଗର, ପାଣ୍ଡରା, ଗୌତମ ନଗର, ମୈତ୍ରୀ ବିହାର, ନୀଳୀଦ୍ରି ବିହାର, ମଞ୍ଚେଶ୍ବର ଆଦିରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ସମାନ ଭାବେ ସ୍ଥାନୀୟ ଆକ୍ରମଣର ଶିକାର ହୋଇଥିବା 65 ଜଣଙ୍କ ମଧ୍ୟରୁ ଘରୋଇ ହସ୍ପିଟାଲର 6 କର୍ମଚାରୀ, ସାଲିଆ ସାହିରୁ 3 ଜଣ, ଇଡକୋ କଲୋନାରୁ 3 ଜଣ, ଖଣ୍ଡଗିରିରୁ 2 ଜଣ କଳିଙ୍ଗ ନଗରରୁ 2 ଜଣ, ପାଣ୍ଡବ ନଗରରୁ 2 ଜଣ ରହିଛନ୍ତି । ଏଥିସହ ଭୀମପୁର, ୟୁନିଟ 3, ନୟାପଲ୍ଲୀ, ପ୍ରଶାନ୍ତି ବିହାର, ଅଶୋକ ନଗର, ଶାନ୍ତି ବିହାର, ଭରତପୁର, ଭୋଇ ନଗର, ବରମୁଣ୍ଡା, ହଂସପାଳ, ୟୁନିଟ 1 ମାର୍କେଟ, ପୋଖରିପୁଟ, ସୋମପୁର ସରସ୍ବତୀ ବିହାର, ଲକ୍ଷ୍ମୀ ସାଗର, ବରମୁଣ୍ଡା, ଗୌତମ ନଗର ଆଦି ଅଞ୍ଚଳରୁ ଜଣେ ଲେଖାଏଁ ଆକ୍ରାନ୍ତ ଚିନ୍ହଟ ହୋଇଛନ୍ତି ।
ଅନ୍ୟପଟେ ଗତ 24 ଘଣ୍ଟା ମଧ୍ୟରେ ଭୁବନେଶ୍ବରରେ 130 ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଏଥିସହ ରାଜଧାନୀରେ ମୋଟ ଆକ୍ରାନ୍ତ 2365ରେ ପହଞ୍ଚିଥିବା ବେଳେ 1141 ଜଣ ସୁସ୍ଥ ହୋଇଛନ୍ତି । ସେପଟେ 13 ଜଣଙ୍କ ମୃତ୍ୟୁ ହୋଇଥିବା ବେଳେ 1209ଟି ମାମଲା ସକ୍ରିୟ ରହିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
