ଭଦ୍ରକ: ଜିଲ୍ଲାର ବିଭିନ୍ନ ସ୍ବାସ୍ଥ୍ୟ କେନ୍ଦ୍ରରେ ଚାଲୁଥିବା ଟୀକାକରଣ କାର୍ଯ୍ୟକ୍ରମରେ ଅହେତୁକ ଭିଡକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ଏହି ଟୀକାକରଣ କେନ୍ଦ୍ରମାନଙ୍କରେ ଶତାଧିକ ଲୋକଙ୍କ ଭିଡ ଜମିଥିବା ଦେଖିବାକୁ ମିଳୁଛି । ଏଥିରେ ଆଦୌ ରହୁନାହିଁ ସାମାଜିକ ଦୂରତ୍ବ । ଯାହାକୁ ନେଇ କୋରୋନା ସଂକ୍ରମଣ ବୃଦ୍ଧି ପାଇବାର ଆଶଙ୍କା ପ୍ରକାଶ ପାଇଛି ।
ଟୀକାକରଣ କେନ୍ଦ୍ରରେ ଅହେତୁକ ଭିଡକୁ ନେଇ ଅସନ୍ତୋଷ ଜାରି
ଅନ୍ୟପଟେ ମେଡିକାଲ ପରିସରରେ ଟୀକା ନେବାକୁ ଆସୁଥିବା ଲୋକଙ୍କ ବାଇକ ଭିଡ ଯୋଗୁ ମେଡିକାଲକୁ ଯାତାୟତ କରୁଥିବା ଆମ୍ବୁଲାନ୍ସ ସେବା ମଧ୍ୟ ବାଧାପ୍ରାପ୍ତ ହେଉଥିବା ଜଣାପଡ଼ିଛି । ତେଣୁ ପୋଲିସ ଓ ପ୍ରଶାସନ ଏନେଇ ହସ୍ତକ୍ଷେପ କରିବା ସହିତ ଲୋକମାନେ ନିଜକୁ ନିଜେ ସଚେତନ ହେବା ନିତାନ୍ତ ଆବଶ୍ୟକ ହୋଇପଡିଛି ।
ନଚେତ ସଂକ୍ରମଣ ବୃଦ୍ଧି ପାଇବାର ଆଶଙ୍କାକୁ ଏଡ଼ାଇ ଦିଆଯାଇ ନପାରେ । ଏନେଇ ଜିଲ୍ଲା ପ୍ରଶାସନ ତଥା ସ୍ଵାସ୍ଥ୍ୟ ବିଭାଗ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
