ବ୍ରହ୍ମପୁର: ପରିବାର ପ୍ରତିପୋଷଣ କରିବାକୁ ଯାଇ ସୁଦୂର କୁଏତରେ ପ୍ରାଣ ହରାଇଛନ୍ତି ଓଡିଆ ଯୁବକ ହରସ ସାମଲ । ଗତ ଦୁଇ ବର୍ଷ ତଳେ ଦୁଇ ପଇସା ରୋଜଗାର କରିବା ସହ ପରିବାରର ଖର୍ଚ୍ଚ ସମ୍ଭାଳିବା ପାଇଁ ଦାଦନ ଖଟିବାକୁ କୁଏତ ଯାଇଥିଲେ ହରସ । ହେଲେ ତାଙ୍କର ହଠାତ୍ ମୃତ୍ୟୁରେ ଭାଙ୍ଗି ପଡିଛନ୍ତି ଖଲ୍ଲିକୋଟ ବ୍ଲକ ଖୋଜାପଲି ଗ୍ରାମ ସ୍ଥିତ ତାଙ୍କ ପରିବାର ଲୋକେ ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ହରସଙ୍କ ମର ଶରୀରକୁ କୁଏତରୁ ଫେରାଇ ଆଣିବା ପାଇଁ ପ୍ରଶାସନ ପକ୍ଷରୁ ଉଦ୍ୟମ ଜାରି ରହିଥିବା ପ୍ରକାଶ କରିଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ । ତେଣେ ହରସଙ୍କ ମୃତ୍ୟୁକୁ 13 ଦିନ ବିତିଥିଲେ ବି ପୁଅର ମର ଶରୀର ଫେରି ପାରି ନଥିବାରୁ ଭାଙ୍ଗି ପଡିଛନ୍ତି ବାପା ରମେଶ ସାମଲ ତଥା ହରସଙ୍କ ପରିବାର ।
ତେଣେ ନିଜ ରୋଜଗାରିଆ ପୁଅକୁ ହରାଇଥିବାରୁ ପରିବାର ପ୍ରତିପୋଷଣ ନେଇ ଚିନ୍ତାରେ ପରିବାର ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
