ବାଲେଶ୍ବର: ଫକୀର ମୋହନ ବିଶ୍ବବିଦ୍ୟାଳୟ ଅଧୀନରେ ଥିବା କଲେଜର ଯୁକ୍ତ ତିନି ପ୍ରଥମ ସେମିଷ୍ଟାର ପରୀକ୍ଷା ଅନଲାଇନ ମାଧ୍ୟମରେ କରିବା ପାଇଁ ଦାବି କରିଛନ୍ତି ଛାତ୍ରଛାତ୍ରୀ । ମହାମାରୀ ଯୋଗୁଁ ଅଫଲାଇନରେ ସଂକ୍ରମଣର ଭୟ ଥିବା ଯୋଗୁଁ ପରୀକ୍ଷାକୁ ଅନଲାଇନରେ କରିବାକୁ ଦାବି କରି ବିଶ୍ବବିଦ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି ୧୫୦୦ ଛାତ୍ରଛାତ୍ରୀ ।
କୋରୋନା ମହାମାରୀ ପାଇଁ ଅନଲାଇନ ପରୀକ୍ଷା ପାଇଁ ଛାତ୍ରଛାତ୍ରୀ ବହୁବାର ଦାବି ଜଣାଇ ଆସିଛନ୍ତି । ଏନେଇ 4୦ଟି କଲେଜରୁ 1500ରୁ ଅଧିକ ଛାତ୍ରଛାତ୍ରୀ ବିଶ୍ବବିଦ୍ୟାଳୟରେ ପହଞ୍ଚି ଅନଲାଇନ ପରୀକ୍ଷା ପାଇଁ ଦାବି କରିଥିଲେ । କିନ୍ତୁ ସେମାନଙ୍କ ଦାବିକୁ ଶୁଣିନଥିଲେ କର୍ତ୍ତୃପକ୍ଷ । ଏହାପରେ ସେମାନେ ଅନେକ ଛାତ୍ରଛାତ୍ରୀ ବିଶ୍ବବିଦ୍ୟାଳୟ ସମ୍ମୁଖରେ ଧାରଣା ଦେଇଥିଲେ ।
ତେବେ ଏହା ପରେ ଛାତ୍ରଛାତ୍ରୀଙ୍କ ଦାବି ଶୁଣିଛନ୍ତି ବିଶ୍ବବିଦ୍ୟାଳୟ କର୍ତ୍ତୃପକ୍ଷ । ଆସନ୍ତା 21 ତାରିଖ ପାଖରୁ ଅନଲାଇନ ପରୀକ୍ଷା ହେବା ନେଇ ବିଶ୍ବବିଦ୍ୟାଳୟ କର୍ତ୍ତୃପକ୍ଷ ନୋଟିସ ଜାରି କରିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
