ବାଲେଶ୍ବର: ବନ୍ଧୁକ ମୁନରେ ବ୍ୟବସାୟୀଙ୍କୁ ଲୁଟିଲେ ଦୁର୍ବୃତ୍ତ । ଏମିତି ଘଟଣା ଘଟିଛି ବାଲେଶ୍ଵର ଜିଲ୍ଲା ସୋର ଥାନା ଅଞ୍ଚଳରେ ।
ଗହଣା ଦୋକାନୀଙ୍କୁ ବନ୍ଧୁକ ଦେଖାଇ ଲୁଟ
ସୋର ସିନେମା ହଲ ନିକଟରେ ଥିବା ମା' ମଙ୍ଗଳା ନାମକ ଏକ ଗହଣା ଦୋକାନର ମାଲିକ ପ୍ରଶାନ୍ତ କୁମାର ନାୟକ ଓ ତାଙ୍କ ସମ୍ପର୍କୀୟ ଭାଇ ଗତରାତିରେ ଦୋକାନ ବନ୍ଦ କରି ଘରକୁ ଫେରୁଥଲେ । ରାସ୍ତାରେ ଦୁଇଟି ବାଇକରେ 5 ଜଣ ଦୁର୍ବୃତ୍ତ ସେମାନଙ୍କୁ ଫଲୋ କରି ନିଛାଟିଆ ଦୟାବନ୍ଧ ନିକଟରେ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲେ ।
ହେଲେ ଦୁଇଭାଇ ନ ରହିବାରୁ ସେମାନଙ୍କୁ ଗୋଇଠା ମାରି ତଳେ ପକାଇ ଦେଇଥିଲେ । ଦୁର୍ବୃତ୍ତମାନେ ଦୁଇ ଭାଇଙ୍କ ଠାରୁ ସୁନା ଚେନ, ମୋବାଇଲ, 25 ହଜାର ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । ଏନେଇ ପ୍ରଶାନ୍ତ ନାୟକ ସୋର ଥାନାରେ ଅଭିଯୋଗ କରିଥିବା ଜଣାପଡ଼ିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
