ବାଲେଶ୍ବର: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲର ଆଜି ହେଉଛି ଶେଷଦିନ । ଶେଷଦିନରେ ବାଲେଶ୍ଵର ଜିଲ୍ଲାର ବିଭିନ୍ନ ଜୋନ୍ରୁ ଜିଲ୍ଲା ପରିଷଦ ପ୍ରାର୍ଥୀପତ୍ର ଦାଖଲ କରିବା ପାଇଁ ଉପଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଭିଡ଼ ଦେଖିବାକୁ ମିଳିଥିଲା । ସରକାରଙ୍କ କୋଭିଡ କଟକଣାକୁ ଖୋଲାଖୋଲି ଭାବେ ଉଲ୍ଲଂଘନ କରାଯାଉଥିବା ଦେଖିବାକୁ ମିଳିଥିଲା ।
ପ୍ରାର୍ଥୀପତ୍ର ଦାଖଲ କରିବାକୁ ପ୍ରାର୍ଥୀଙ୍କ ସହ ଜଣଙ୍କୁ ଭିତରକୁ ଛଡ଼ାଯାଉଥିଲା । ଏହାକୁ ନେଇ ଗେଟ ସମ୍ମୁଖରେ ବେଶ କିଛି ସମୟ ପାଟିତୁଣ୍ଡ ହୋଇଥିବା ଦେଖିବାକୁ ମିଳିଥିଲା । ଏକ ନିର୍ଦ୍ଦିଷ୍ଟ ଦଳର ନେତାମାନେ ଗେଟ ଭିତରକୁ ପଶି ପାରୁଥିବା ବେଳେ ଅନ୍ୟ ଦଳରୁ ନେତାଙ୍କୁ ଭିତରକୁ ପ୍ରବେଶ କରିବାକୁ ଦିଆଯାଉନଥିବା ଅଭିଯୋଗ ହୋଇଥିଲା ।
ଏହାକୁ ନେଇ ଗେଟ୍ ସମ୍ମୁଖରେ ଯୁକ୍ତିତର୍କ ବୃଦ୍ଧି ପାଇଥିଲା । କୋଭିଡ ନିୟମ ଅନୁପାଳନ ପାଇଁ ଗେଟ ଭିତରକୁ ଅଧିକ ଲୋକ ପ୍ରବେଶ ଉପରେ ରୋକ ଲଗାଯାଇଥିଲା । ତେବେ ଏହାକୁ ଉଲ୍ଲଂଘନ କରି ପ୍ରାର୍ଥୀଙ୍କ ସମର୍ଥକମାନଙ୍କ ଖଚାଖଚ ଭିଡ଼ ଦେଖିବାକୁ ମିଳିଥିଲା ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
