ନୂଆଦିଲ୍ଲୀ: ଲକଡାଉନ ଜାରି ରହିଥିବାରୁ ପ୍ରାୟ ପୂରା ଦେଶ ଗୃହବନ୍ଦୀ । ଯାତାୟତ ଠପ ଯୋଗୁଁ ଗାଡି ବି ଗଡୁନି । ହେଲେ ଗ୍ୟାସ ସିଲିଣ୍ଡର ଚାହିଦା ବଢିଚାଲିଛି । ଜାଣି ଆଶ୍ଚର୍ଯ୍ୟ ହେବେ ଏପ୍ରିଲ ମାସରେ ଇନ୍ଧନ ଚାହିଦା 70 ପ୍ରତିଶତ ହ୍ରାସ ପାଇଛି । ତେବେ ଏଲପିଜି ଚାହିଦା ଏଥିମଧ୍ୟରେ 12 ପ୍ରତିଶତ ବଢିଛି ।
ପେଟ୍ରୋଲିୟମ ଉଦ୍ୟୋଗଙ୍କ କହିବା ଅନୁଯାୟୀ ଗତ 10 ଦିନରେ ଚାହିଦା ବୃଦ୍ଧି ନେଇ ସଙ୍କେତ ରହିଛି । କାରଣ ସରକାର ନଗରନିଗମ ବାହାରେ ରହିଥିବା ଉଦ୍ୟୋଗକୁ କାରବାର ଗତିବିଧି ଆରମ୍ଭ ନେଇ ଅନୁମତି ଦେଇଛନ୍ତି । ଏଥିଯୋଗୁଁ ଏପ୍ରିଲ ଶେଷ ସୁଦ୍ଧା ଇନ୍ଧନ ଚାହିଦା ବଢିବା ନେଇ ସଙ୍କେତ ରହିଛି । ଯଦିଓ ମେ ମାସରେ ଏଥିରେ ଅଭିବୃଦ୍ଧି ଦେଖାଦେବ ବୋଲି ସମ୍ଭାବନା ରହିଛି । ସରକାର ଲକଡାଉନର ତୃତୀୟ ପର୍ଯ୍ୟୟାରେ କିଛିଟା କ୍ଷେତ୍ରରେ କଟକଣା କୋହଳ କରିବା ସହ ବିଭିନ୍ନ କାର୍ଯ୍ୟ ପାଇଁ ଅନୁମତି ଦେଇଛନ୍ତି ।
ଲକଡାଉନ ଯୋଗୁଁ ଆର୍ଥିକ ଗତିବିଧି ଠପ ରହିଛି । ଆବଣ୍ଟନ ମଧ୍ୟ ବନ୍ଦ ରହିଛି । ଏଥିଯୋଗଁ ପେଟ୍ରୋଲ ଚାହିଦା 61 ପ୍ରତିଶତ ହ୍ରାସ ହୋଇଥିଲା ବେଳେ , ଏଟିଏଫ (ବିମାନ ଇନ୍ଧନ) ବ୍ୟବହାର ମଧ୍ୟ 9.15 ପ୍ରତିଶତ କମିଛି ।
ଏପଟେ ସରକାର ଗରିବ ପରିବାରଙ୍କୁ 3 ମାସ ପାଇଁ ମାଗଣାରେ ଗ୍ୟାସ ସିଲିଣ୍ଡର ଉପଲବ୍ଧ ପାଇଁ ଘୋଷଣା କରିଛନ୍ତି । ଏଥିଯୋଗୁଁ ଏପ୍ରିଲ ମାସରେ ଏଲପିଜି ବ୍ୟବହାର 12 ପ୍ରତିଶତ ବଝି 21.10 ଲକ୍ଷ ଟନରେ ପହଞ୍ଚିଛି । ମୋଟ ମିଶାଇ ଏପ୍ରିଲ ମଧ୍ୟରେ ପେଟ୍ରୋଲିୟମ ଉତ୍ପାଦ ବିକ୍ରିରେ ପାଖାପାଖୀ 70 ପ୍ରତିଶତ ହ୍ରାସ ଦେଖିବାକୁ ମିଳିଛି ।
