ମୁମ୍ବାଇ: କୋରୋନା ଝଡରେ ଅସ୍ଥିର ବଜାରରେ ଅଭିବୃଦ୍ଧିର ଉତ୍ସାହ । ଗୁରୁବାର ପ୍ରଫିଟର ସହ ବନ୍ଦ ହୋଇଛି ବଜାର । ଉଭୟ ସେନସେକ୍ସ ଓ ନିଫ୍ଟି ଜବଦସ୍ତ ବୃଦ୍ଧି ସହ ଉପରମୁହାଁ । ଫଳରେ ନିବେଶକ ଆଶ୍ବସ୍ତିର ନିଶ୍ବାସ ନେଇଛନ୍ତି ।
ଗୁରୁବାର ବିଏସଇର 30 ସେୟାର ଆଧାରିତ ସେନସେକ୍ସ 1265.66 ପଏଣ୍ଟ ବୃଦ୍ଧି ସହ 31,159.62 ପଏଣ୍ଟରେ କାରବାର ବନ୍ଦ କରିଛି। ସେହିପରି ନ୍ୟାସନାଲ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ନିଫ୍ଟି 363.15 ବଢି 9,111.90 ପଏଣ୍ଟରେ କାରବାର ଶେଷ କରିଛି ।
ପ୍ରମୁଖ ସେୟାର ସୂଚକାଙ୍କ ସେନସେକ୍ସ ଗୁରୁବାର କାରବାର ଆରମ୍ଭରେ 900 ପଏଣ୍ଟରୁ ଅଧିକ ଉଛୁଳିଥିବା ଦେଖିବାକୁ ମିଳିଥିଲା ।
କୋରୋନା ଭାଇରସ ସଂକ୍ରମଣ ରୋକିବା ଆଗକୁ ସ୍ଥିତି ସୁଧୁରିବା ଅନୁମାନରେ ସମଗ୍ର ବିଶ୍ବରେ ସେୟାର ବଜାର ବଢିଥିବା ଦେଖିବାକୁ ମିଳିଛି । ଯାହାର ପ୍ରଭାବରେ ଘରୋଇ ବଜାରରେ ମଧ୍ୟ ହୋଇଛି ।
