ନୂଆଦିଲ୍ଲୀ: ବିଶ୍ବର ତୃତୀୟ ଧନୀ ଏବେ ଏଲନ ମସ୍କ । ଏପରିକି ସେ ଫେସବୁକ ସହ-ପ୍ରତିଷ୍ଠାତା ମାର୍କ ଜୁକରବର୍ଗଙ୍କୁ ପଛରେ ପକାଇ ଧନୀ ତାଲିକାରେ ତୃତୀୟ ସ୍ଥାନ ଅକ୍ତିଆର କରିଛନ୍ତି । ବିଶ୍ବବ୍ୟାପି ସେୟାର ବଜାରରେ ଦେଖାଦେଇଥିବା ଅସ୍ଥିରତା ଯୋଗୁଁ ଧନୀ ତାଲିକାରେ ଲଗାତାର ପରିବର୍ତ୍ତନ ଆସୁଛି ।
ସେୟାର ମୂଲ୍ୟ ବଢିଥିବାରୁ ଇଲେକ୍ଟ୍ରୋନିକ କାର ନିର୍ମାତା ତେସଲା ର ସହ ପ୍ରତିଷ୍ଠାତା ତଥା ସିଇଓ ଏଲନ ମସ୍କଙ୍କ ନେଟ ସମ୍ପତ୍ତି ବୃଦ୍ଧି ପାଇଛି । ଏଲନଙ୍କ ନେଟ ସମ୍ପତ୍ତି 111.9 ବିଲିୟନ ଡଲାର ରହିଥିବା ବେଳେ ଜୁକରବର୍ଗଙ୍କ ନେଟ ସମ୍ପତ୍ତି 111.2 ଡଲାର ରହିଛି । ଏ ନେଇ ବ୍ଲୁମବର୍ଗ ବିଲିୟନେୟାର ସୂଚୀରେ ପ୍ରକାଶ ପାଇଛି ।
ଏହି ସୂଚୀରେ ଭାରତର ସବୁଠୁ ଧନୀ ବ୍ୟକ୍ତି ମୁକେଶ ଅମ୍ବାନୀ 7980 କୋଟି ଡଲାର ନେଟ ସମ୍ପତ୍ତି ସହ ଅଷ୍ଟମ ସ୍ଥାନକୁ ଖସିଛନ୍ତି ।
