ନୂଆଦିଲ୍ଲୀ: ପେଟ୍ରୋଲ ଓ ଡିଜେଲ ଦାମ ବଢିବା ପରେ ସାଧାରଣ ଜନତାଙ୍କ ସହ କମ୍ପାନୀଗୁଡିକୁ ମଧ୍ୟ ଗଭୀର ଭାବେ ପ୍ରଭାବିତ ହେବାକୁ ପଡିଛି । ଲଗାତାର ପେଟ୍ରୋଲ ଓ ଡିଜେଲ ଦାମ ବଢୁଥିବାରୁ ଏବେ ଅଲନାଇନ ଫୁଡ ଡେଲିଭରି କମ୍ପାନୀ ଜୋମାଟୋ ପେ-ଷ୍ଟ୍ରକ୍ଟରକୁ ସଂଶୋଧନ କରିବାକୁ ଘୋଷଣା କରିଛି ।
ଉଚ୍ଚା ଇନ୍ଧନ ଦାମ ଯୋଗୁଁ କମ୍ପାନୀ ଡେଲିଭରି ପାର୍ଟନର୍ସକୁ ଅଧିକ ଦରମା ଦେବ । ପେଟ୍ରୋଲ ଦାମ ବଢୁଥିବାରୁ ସମଗ୍ର ଦେଶରେ ଡେଲିଭରି ପାର୍ଟନର୍ସଙ୍କ ଦ୍ବାରା ଦରମାରେ ବୃଦ୍ଧିକୁ ନେଇ ପ୍ରତିବାଦ କରିବା ପରେ କମ୍ପାନୀ ଏହି ନିଷ୍ପତ୍ତି ନେଇଛି । ଏଥିରେ କୁହାଯାଇଛି କି ଇନ୍ଧନ ଦାମ ସେମାନଙ୍କ ଆୟକୁ ପ୍ରଭାବିତ କରୁଛି ।
ଏଥିଯୋଗୁଁ କମ୍ପାନୀ ଗୁରୁବାର କହିଛି କି ସଂଶୋଧିତ ଦରମା ଷ୍ଟ୍ରକ୍ଚର ଦରମାର ଏକ ଆଡିସନାଲ କମ୍ପୋନେଟ ସାମିଲ ହେବ । ଯାହା ଇନ୍ଧନର ଦାମ ପରିବର୍ତ୍ତନକୁ ଦୃଷ୍ଟିରେ ରଖି କରାଯାଇଛି । ବର୍ତ୍ତମାନ ପାରିଶ୍ରମିକ ଉପରେ ଏହି ସଂରଚନା ପ୍ରୟୋଗ ହେବ । ଇନ୍ଧନ ମୂଲ୍ୟରେ ପରିବର୍ତ୍ତନକୁ ଆଧାର କରି ଏହାକୁ ଆଡଜଷ୍ଟ କରାଯିବ ।
