ନୂଆଦିଲ୍ଲୀ: ଆପଣ ଘର କିଣିବାକୁ ଚାହାନ୍ତି କି? ତେବେ ଟଙ୍କା କଥା ଚିନ୍ତା କରନ୍ତୁନାହିଁ । ଆପଣଙ୍କ ଲୋକପ୍ରିୟ ବ୍ୟାଙ୍କ ଏସବିଆଇ ଦେବ ଟଙ୍କା । ସେ ପୁଣି କମ ସୁଧହାରରେ । ଶୁକ୍ରବାର ଏସବିଆଇ ପକ୍ଷରୁ ଏ ନେଇ ସୂଚନା ଦିଆଯାଇଛି ।
ଏଣିକି 30ଲକ୍ଷ ଟଙ୍କା ପର୍ଯ୍ୟନ୍ତ ସମସ୍ତ ଗୃହଋଣ ଉପରେ ସୁଧହାର 5 ବେସିସ ପଏଣ୍ଟ କମାଯିବ ବୋଲି ବ୍ୟାଙ୍କ ପ୍ରକାଶ କରିଛି । ଫଳରେ ଆଗମୀ ଦିନରେ ଆପଣ କମ ସୁଧରେ 30ଲକ୍ଷ ଟଙ୍କା ଋଣ ନେଇ ନିଜ ସ୍ବପ୍ନର ଘରକୁ କିଣିବାରେ ସଫଳ ହୋଇପାରିବେ ।
ଗୁରୁବାର ଆରବିଆଇ ରେପୋହାର 0.25 ବେସିକ ପଏଣ୍ଟ ହ୍ରାସ କରିବା ପରେ ଏସବିଆଇ ମଧ୍ୟ ତାର ସୁଧହାର କମାଇଛି । ଗ୍ରାହକ ଯେପରି ସହଜରେ ଓ ସୁଲଭ ଦରରେ ଘର ପାଇପାରିବେ ସେଥିପାଇଁ ଏସିବିଆଇ ତାର ହୋମଲୋନ ବ୍ୟବସ୍ଥାରେ ଏହି ସବୁ ପରିବର୍ତ୍ତନ କରିଛି ।
ଦେଶର ସର୍ବବୃହତ୍ତ ବ୍ୟାଙ୍କ ଭାବେ ଏସବିଆଇ ସର୍ବଦା ଗ୍ରାହକଙ୍କ ହିତରେ ଆଗଭର ରହିଥାଏ । ଏଣୁ ହୋମଲୋନ କ୍ଷେତ୍ରରେ ଏସବିଆଇର ଭାଗୀଦାର ସବୁଠାରୁ ଅଧିକ ରହିଥାଏ ବୋଲି ବ୍ୟାଙ୍କ ଅଧ୍ୟକ୍ଷ ରଜନିଶ କୁମାର କହିଛନ୍ତି ।
