ମୁମ୍ବାଇ: ରେପୋରେଟ ରେଟ ବାଦ୍ ବି ଆରବିଆଇ କୋଭିଡ ପ୍ରଭାବିତ ଅର୍ଥନୀତିକୁ ବୁଷ୍ଟର ଦେଇ ପୁଣି ଟ୍ରାକକୁ ଆଣିବା ପାଇଁ ଅନକ ଗୁରୁତ୍ବପୂର୍ଣ୍ଣ ଘୋଷଣା କରିଛି । ଜାଣନ୍ତୁ ସେହି 5 ଟି ସବୁଠୁ ଗୁରୁତ୍ବପୂର୍ଣ୍ଣ ନିଷ୍ପତ୍ତି ।
ଗୁରୁବାର ଭାରତୀୟ ରିଜର୍ଭ ବ୍ୟାଙ୍କ ରେପୋରେଟ ଦରକୁ 4 ପ୍ରତିଶତରେ ଅପରିବର୍ତ୍ତିତ ରଖିବା ନେଇ ଘୋଷଣା କରିଛି । ସେହିପରି ରିଭର୍ସ ରେପୋରେଟ 3.35 ପ୍ରତିଶତରେ ସ୍ଥିର ରହିଛି । ମୁଦ୍ରାନୀତି ସମିତିର 6 ଜଣିଆ କମିଟି ଏ ନେଇ ସମର୍ଥନ ରଖିଛନ୍ତି ।
1. ଋଣ ସମାଧାନ ଢାଞ୍ଚା
ଆରବିଆଇ ଋଣଦାତାଙ୍କୁ ନିର୍ଦ୍ଦିଶ୍ଟ ସର୍ତ୍ତ ଅଧିନରେ କର୍ପୋରେଟ ଓ ବ୍ୟକ୍ତିଗତ ଋଣକର୍ତ୍ତାଙ୍କ ଋଣକୁ ପୁର୍ନଗଠନ ପାଇଁ ଅନୁମତି ଦେଇଛି ।
ଦାସ କହିଛନ୍ତି କି, ‘‘ ଏହା ଜୁନ 7 ସୁଦ୍ଧା Prudential Framework ଅଧିନରେ ଏକ ୱିଣ୍ଡୋ ପ୍ରଦାନ ପାଇଁ ନିର୍ଣ୍ଣୟ ନିଆଯାଇଛି । ଯାହାକି ଋଣଦାତାମାନଙ୍କୁ ଯୋଗ୍ୟ କର୍ପୋରେଟ୍ ଏକ୍ସପୋଜର୍ ସମ୍ବନ୍ଧରେ ଏକ ରିଜୋଲ୍ୟୁସନ ଯୋଜନା କାର୍ଯ୍ୟକାରୀ କରିବାକୁ ସକ୍ଷମ କରିଥାଏ । ମାଲିକାନା ପରିବର୍ତ୍ତନ ବିନା - ଏବଂ ବ୍ୟକ୍ତିଗତ ଋଣ, ନିର୍ଦ୍ଦିଷ୍ଟ ସର୍ତ୍ତ ଅନୁଯାୟୀ ଷ୍ଟାଡାର୍ଡ ସମ୍ପତ୍ତି ଭଳି ଏକ୍ସପୋଜରକୁ ଶ୍ରେଣୀଭୁକ୍ତ କରାଯାଏ ବୋଲି ଦାସ ନିଜ ବିବୃତ୍ତିରେ କହିଛନ୍ତି ।
2. ଏମଏସଏମଇ ଋଣର ପୁର୍ନଗଠନ
ଆରବିଆଇ କହିଛି କି କ୍ଷୁଦ୍ର, ଲଘୁ ଓ ମଧ୍ୟମ ଉଦ୍ୟୋଗ (ଏମଏସଏମଇ) ଋଣ ଗ୍ରହୀତା ଯଦି ସେମାନଙ୍କ ଆକଉଣ୍ଟକୁ 2020 ମାର୍ଚ୍ଚ 1 ରେ ମାନକ ଶ୍ରେଣୀଭୁକ୍ତ କରନ୍ତି, ତେବେ ସେମାନେ ଋଣର ପୁର୍ନଗଠନ ପାଇଁ ଯୋଗ୍ୟ ହେବେ। ଏହି ପୁନର୍ଗଠନ 2021 31 ମାର୍ଚ୍ଚ ଯାଏଁ କାର୍ଯ୍ୟକାରୀ ହେବ।
3. ଆରବିଆଇ ସ୍ବର୍ଣ୍ଣ ଗହଣା ବଦଳରେ ଋଣ ଅନୁପାତ ବଢାଇ 90 ପ୍ରତିଶତ କଲା
କୋରୋନା ସଙ୍କଟ ମଧ୍ୟରେ ସୁରକ୍ଷିମତ ନିବେଶର ମାଧ୍ୟମ ସୁନା ହୋଇଥିବାରୁ ଚାହିଦା ବୃଦ୍ଧି ପାଉଛି । ଏଥିପାଇଁ ଗୋଲ୍ଡ ଲୋନ ପ୍ରତି ଲୋକଙ୍କୁ ଆକୃଷ୍ଠ କରାଇବାକୁ ଆରବିଆଇ ବଡ ପଦକ୍ଷେପ ନେଇଛି । ପୂର୍ବରୁ ସୁନାର ମୋଟ ଦାମ ବଦଳରେ 75 ପ୍ରତିଶତ ଟଙ୍କା ଲୋନ ମିଳୁଥିଲା । ହେଲେ ଏବେ ଏହା 90 ପ୍ରତିଶତକୁ ବଢାଇଦିଆଯାଇଛି । ଏହି ସୁବିଘା 2021 ମାର୍ଚ୍ଚ 31 ଯାଏଁ ରହିବ ।
ବିକାଶ ତଥା ନିୟାମକ ନୀତି ଉପରେ ଆରବିଆଇ କହିଛି ଯେ ପରିବାର, ଉଦ୍ୟୋଗୀ ଏବଂ କ୍ଷୁଦ୍ର ବ୍ୟବସାୟ ଉପରେ କୋଭିଡ -19 ମହାମାରୀର ଆର୍ଥିକ ପ୍ରଭାବକୁ ଆହୁରି ହ୍ରାସ କରିବା ଲକ୍ଷ୍ୟରେ ଅଣ-କୃଷି ଉଦ୍ଦେଶ୍ୟରେ ସୁନା ଅଳଙ୍କାର ବନ୍ଧକ ରଖି ନିଆଯିବାକୁ ଥିବା ଋଣ ଉପରେ ମୂଲ୍ୟକୁ 75ରୁ 90 ପ୍ରତିଶତକୁ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି।
ଆରବିଆଇ ଦ୍ବାରା ଏ ନେଇ ବିସ୍ତୁତ ଦିଶାନିର୍ଦ୍ଦେଶ ଗୁରୁବାର ପରେ ଜାରି କରାଯିବ । ବର୍ତ୍ତମାନ ସୁନା ଦାମ 10 ଗ୍ରାମ ପିଛା 55 ହଜାର ଟପିଛି ।
4.ପ୍ରାଥମିକତା କ୍ଷେତ୍ରରେ ଋଣ ନିୟମରେ ସଂଶୋଧନ
ଆରବିଆଇ ପ୍ରାଥମିକ କ୍ଷେତ୍ରରେ ଋଣ ନିର୍ଦ୍ଦେଶାବଳୀକୁ ମଧ୍ୟ ସଂଶୋଧନ କରିଛି। ପ୍ରାଥମିକ କ୍ଷେତ୍ର ଋଣ ପ୍ରବାହରେ ଆଞ୍ଚଳିକ ପାର୍ଥକ୍ୟକୁ ଦୂର କରିବା ପାଇଁ କେନ୍ଦ୍ରୀୟ ବ୍ୟାଙ୍କ ଏବେ ବ୍ୟାଙ୍କଗୁଡିକ ପାଇଁ ଏକ ପ୍ରୋତ୍ସାହନ ଢାଞ୍ଚା ବା ଫ୍ରେମୱାର୍କ ପ୍ରସ୍ତୁତ କରିବାକୁ ଯୋଜନା କରୁଛି।
ଏହାର ଅର୍ଥ ହେଉଛି ସ୍ୱଳ୍ପ କ୍ରେଡିଟ ପ୍ରବାହ ଥିବା ଚିହ୍ନଟ ଜିଲ୍ଲାଗୁଡ଼ିକୁ ବର୍ଦ୍ଧିତ ପ୍ରାଥମିକ କ୍ଷେତ୍ର କ୍ରେଡିଟ ପାଇଁ ଅଧିକ ଫୋକସ ଦିଆଯିବ | ଯେଉଁଠାରେ ଚିହ୍ନଟ ହୋଇଥିବା ଜିଲ୍ଲାମାନଙ୍କୁ କମ୍ ଓଜନ ଦିଆଯିବ ଯେଉଁଠାରେ credit ଣ ପ୍ରବାହ ତୁଳନାତ୍ମକ ଭାବରେ ଅଧିକ
ଏହା ଠାରୁ ମଧ୍ୟ ଅଧିକ ଗୁରୁତ୍ବପୂର୍ଣ୍ଣ କି ପିଏସଏଲ ସ୍ଥିତି (PSL status) ମଧ୍ୟ ଷ୍ଟାର୍ଟଅପକୁ ଦିଆଯିବ । ଯାହା ଏହି କମ୍ପାନୀକୁ ବୁଷ୍ଟ ଦେବା ସହ ଫଣ୍ଡ ଯୋଗାଡରେ ମଧ୍ୟ ଏକ ବଡ ପ୍ରୋତ୍ସାହନ ଦେଇପାରିବେ ।
ବର୍ତ୍ତମାନ ବ୍ୟାଙ୍କଗୁଡିକ PSL ଆଡକୁ 40% ଆଡଜଷ୍ଟେଡ୍ ନେଟ୍ ବ୍ୟାଙ୍କ କ୍ରେଡିଟ୍ ରଖିବାକୁ ପଡିବ ।
5.ନଗଦ ନଥିବା ଦେୟଗୁଡିକର ସୁରକ୍ଷା ଚେକ
ଚେକ ପେମେଣ୍ଟଗୁଡିକର ସୁରକ୍ଷା ବୃଦ୍ଧି ପାଇଁ, ଆରବିଆଇ 50,000 ଏବଂ ତା ଠାରୁ ଅଧିକ ମୂଲ୍ୟର ସମସ୍ତ ଚେକ୍ ପାଇଁ ସକରାତ୍ମକ ଦେୟର ଏକ ପ୍ରଣାଳୀ ପ୍ରଣୟନ କରିବାକୁ ନିଷ୍ପତ୍ତି ନେଇଛି । ଏହା ଯଥାକ୍ରମେ ଆୟତନ ଏବଂ ମୂଲ୍ୟ ଅନୁଯାୟୀ ମୋଟ ଚେକର ପ୍ରାୟ 20 ପ୍ରତିଶତ ଏବଂ 80 ପ୍ରତିଶତ କଭର କରିବ ।
ପଜିଟିଭ ପେ ହେଉଛି ଏକ ସ୍ୱୟଂଚାଳିତ ନଗଦ-ପରିଚାଳନା ସେବା ଯାହା ଚେକ୍ ଠକେଇକୁ ରୋକିଥାଏ । କମ୍ପାନୀ ଜାରି କରୁଥିବା ଚେଲ ସହ ମେଳ କରିବା ପାଇଁ ବ୍ୟଙ୍କ ଗୁଡିକ ପଜେଟିଭି ପେ ର ବ୍ୟବହାର କରନ୍ତି । ସନ୍ଦେହଜନକ ଥିବା ଯେକୌଣସି ଚେକ ପରୀକ୍ଷା ପାଇଁ ଜାରି କର୍ତ୍ତା ଙ୍କ ନିକଟକୁ ପଠାଯାଏ ।
ଏହି ବ୍ୟବସ୍ଥା ଠକେଇ , କ୍ଷତି ଓ ଅନ୍ୟ ଲାଇବଟାଇସ ବିରୋଧରେ ଏକ କମ୍ପାନୀ ପାଇଁ ବୀମା ଭାବେ କାମ କରିଥାଏ । ଏହା ବ୍ୟତୀତ ଡିଜିଟାଲ ପେମେଣ୍ଟ ପାଇଁ ଅନଲାଇନ ବିବାଦ ଯନ୍ତ୍ର (ମେକାନିଜମ) ମଧ୍ୟ ପ୍ରଣୟନ କରାଯିବ ବୋଲି ଆରବିଆଇ କହିଛି ।
ଇଟିଭି ଭାରତ ରିପୋର୍ଟ
