ଗ୍ୟାଙ୍ଗଷ୍ଟାର ହେବେ ଜନ୍-ଇମ୍ରାନ

ଏକାଠି ହେଉଛନ୍ତି ଜନ ଆବ୍ରାହମ ଓ ଇମ୍ରାନ ହାସମୀ । ସଞ୍ଜୟ ଗୁପ୍ତାଙ୍କ ଗ୍ୟାଙ୍ଗଷ୍ଟାର ଡ୍ରାମା ଫିଲ୍ମରେ ନଜର ଆସିବେ ଦୁହେଁ ।

ହାଇଦ୍ରାବାଦ: ବଲିଉଡ ଅଭିନେତା ଜନ୍ ଆବ୍ରାହମ ଓ ଇମ୍ରାନ ହାସମୀ ଖୁବ ଶୀଘ୍ର ଏକାଠି ନଜର ଆସିବେ । ସଞ୍ଜୟ ଗୁପ୍ତାଙ୍କ ଆଗାମୀ ଗ୍ୟାଙ୍ଗଷ୍ଟାର ଡ୍ରାମା ଫିଲ୍ମରେ ଦୁହିଁଙ୍କୁ ଦେଖିବାକୁ ମିଳିବ ।

ସଞ୍ଜୟ ଗୁପ୍ତାଙ୍କ ସହ ଜନଙ୍କର ଏହା ତୃତୀୟ ଫିଲ୍ମ ହୋଇଥିବା ବେଳେ ଇମ୍ରାନଙ୍କ ପ୍ରଥମ ଫିଲ୍ମ । ଇମ୍ରାନଙ୍କ ସହ ସବୁବେଳେ କାମ କରିବାକୁ ଚାହୁଁଥିବା କଥା କହିଛନ୍ତି ସଞ୍ଜୟ ।

ଫିଲ୍ମ ବିଷୟରେ ଅଧିକ ତଥ୍ୟ ମିଳିନଥିବା ବେଳେ ଫିଲ୍ମକୁ ଏକାଠି ପ୍ରଯୋଜନା ଦେବେ ସଞ୍ଜୟଙ୍କ ‘ହ୍ବାଇଟ ଫିଦର ଫିଲ୍ମ’ ଓ ଭୂଷଣ କୁମାରଙ୍କ ‘ଟି-ସିରିଜ’ । ତେବେ ଫିଲ୍ମର ନାମ ଏ ପର୍ଯ୍ୟନ୍ତ ଜଣା ପଡିନାହିଁ ।