ବାଲେଶ୍ବର: ବାଲେଶ୍ଵର ଜିଲ୍ଲା ନୀଳଗିରି ଅଞ୍ଚଳରେ ପୁଣିଥରେ ଝାଡଖଣ୍ଡ ହାତୀ ଉପଦ୍ରବ ରଚିଛନ୍ତି । କିଛିଦିନର ବ୍ୟବଧାନ ପରେ ପୁଣି ଏକ ଦନ୍ତାହାତୀ ଝାଡ଼ଖଣ୍ଡ ଅଞ୍ଚଳରୁ ଖସିଆସି ମୟୁରଭଞ୍ଜର କୁଆମରା, ନୀଳଗିରିର ଝରଣାଘାଟି ଦେଇ ଅଭୟାରଣ୍ୟକୁ ପ୍ରବେଶ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଅଭୟାରଣ୍ୟର ବାଲିଆନାଳ ନିକଟ ଜଙ୍ଗଳର ବିଭିନ୍ନ ସ୍ଥାନରେ ଉପଦ୍ରବ ଚଳାଇଛି ଏହି ହାତୀ । ଝରଣାଘାଟି ଅଞ୍ଚଳରେ ଦନ୍ତା ହାତୀ ଉପଦ୍ରବ କରୁଥିବା ବେଳେ ଏହାକୁ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି । ହାତୀ ଗର୍ଜନରେ ଗ୍ରାମବାସୀ ଭୟଭୀତ ହୋଇପଡିଥିବାବେଳେ ଧନ ଜୀବନ ସୁରକ୍ଷା ନେଇ ଚିନ୍ତାରେ ପଡିଛନ୍ତି ସ୍ଥାନୀୟ ଲୋକେ।
ବାରମ୍ବାର ବନବିଭାଗକୁ ହାତୀଟିକୁ ଘଉଡାଇବା ପାଇଁ ଦାବି କରୁଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନହେବାରୁ ଲୋକଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇଛି ।
ବାଲେଶ୍ବରରୁ, ଜୀବନ ଜ୍ୟୋତି ନାୟକ, ଇଟିଭି ଭାରତ
