ମୁମ୍ବାଇ: କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ସହ କୋଭିଡ ସ୍ଥିତି ନେଇ ଆଲୋଚନା କରିଛନ୍ତି । ପୁଣେ ସହରରେ କୋଭିଡ ସଂକ୍ରମଣର ଗମ୍ଭୀର ସ୍ଥିତି ଦେଖାଯାଇଥିବା ବେଳେ ଏହି ପ୍ରସଙ୍ଗରେ ଉଭୟଙ୍କ ମଧ୍ୟରେ ଆଲୋଚନା ହୋଇଛି ।
କେନ୍ଦ୍ରମନ୍ତ୍ରୀ ଜାଭଡେକର ପୁଣେ ସହରରେ କୋଭିଡ ସ୍ଥିତି ସମୀକ୍ଷା କରିବା ସହ ମୁକାବିଲା ଦିଗରେ ସରକାର ନେଇଥିବା ପଦକ୍ଷେପ ବାବାଦରେ ମଧ୍ୟ ତର୍ଜମା କରିଛନ୍ତି । ରାଜ୍ୟରେ କୋଭିଡ ସଂକ୍ରମଣ ପୁରା ଦେଶରେ ଉଦବେଗ ଜନକ ରହିଛି । ଅନ୍ୟପଟେ ଆଜି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧଭ ଠାକରେ ମଧ୍ୟ ସର୍ବ ଦଳୀୟ ବୈଠକ ଡାକି ରାଜ୍ୟରେ କୋଭିଡ ସ୍ଥିତି ସମୀକ୍ଷା କରିଛନ୍ତି । ଆବଶ୍ୟକ ପଡିଲେ ରାଜ୍ୟକୁ ପୁଣି ଲକଡାଉନ ଫେରିପାରେ ବୋଲି ମଧ୍ୟ ଚର୍ଚ୍ଚା ହେଉଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
