ଅମରାବତୀ: ଆନ୍ଧ୍ରପ୍ରଦେଶରେ ଦେଖିବାକୁ ମିଳିଛି ଅଭାବନୀୟ ଘଟଣା । ସ୍ବାମୀଙ୍କ ଦେହାନ୍ତ ହେବାର ମାତ୍ର 1 ଘଣ୍ଟା ପରେ ସ୍ତ୍ରୀର ଦେହାନ୍ତ ହେବା ସମଗ୍ର ଅଞ୍ଚଳରେ ଶୋକର ଛାୟା ଖେଳାଇଛି । ଘଟଣା ଦେଖିବାକୁ ମିଳିଛି ଆନ୍ଧ୍ରପ୍ରଦେଶ କଡ୍ଡପା ଜିଲ୍ଲାର କାଶୀନଭାନା ବ୍ଲକରେ । ସ୍ଥାନୀୟ ଅକୁନାନାୟାରାପଲ୍ଲୀ ନାମକ ଏକ ଗ୍ରାମରେ ଅଶିନ ଭାସା ନାମକ ଜଣେ ବୃଦ୍ଧ ରୋଗରେ ପୀଡିତ ଥିବାବେଳେ ଆଜି ତାଙ୍କର ଦେହାନ୍ତ ହୋଇଥିଲା ।
ମାତ୍ର ଏହାର ମାତ୍ର 1 ଘଣ୍ଟା ପରେ ତାଙ୍କର ପତ୍ନୀ ନାନିମା ମଧ୍ୟ ପ୍ରାଣ ହରାଇଥିବା ଦେଖିବାକୁ ମିଳିଛି । ସ୍ବାମୀଙ୍କ ମୃତ୍ୟୁରେ ମାନସିକ ଭାବେ ଆଘାତ ପାଇ ତାଙ୍କର ମୃତ୍ୟୁ ହୋଇଥିବା ସ୍ଥାନୀୟ ଲୋକ ତଥା ତାଙ୍କ ପଡୋଶୀ ସୂଚନା ଦେଇଛନ୍ତି ।
ବୃଦ୍ଧଜଣଙ୍କ ମୃତ୍ୟୁ ପରେ ତାଙ୍କ ଅନ୍ତିମଯାତ୍ରା ପାଇଁ ଗ୍ରାମବାସୀ ପ୍ରସ୍ତୁତି ଚଳାଇଥିବାବେଳେ ହଠାତ ଏପରି ଦୁଃଖଦ ଖବର ସାମ୍ନାକୁ ଆସିଥିଲା । ସ୍ବାମୀଙ୍କ ମୃତ୍ୟୁ ଖବର ପାଇ ବିଚଳିତ ହୋଇ ପତ୍ନୀଙ୍କ ମୃତ୍ୟୁ ହୋଇଥିବା ସ୍ଥାନୀୟବାସିନ୍ଦା କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
