ଶ୍ରୀନଗର: ଘାଟିରେ ସୁରକ୍ଷା ବଳ ଉପରକୁ ଗ୍ରେନେଡ ଆକ୍ରମଣ କଲେ ଆତଙ୍କବାଦୀ । ଆଜି ପ୍ରାୟ ଅପରାହ୍ନରେ ପୁରୁଣା ଶ୍ରୀନଗର ସହରର ସାରଫ କାଦଲ ଅଞ୍ଚଳରେ ଆତଙ୍କୀମାନେ ଏହି କାଣ୍ଡ ଭିଆଇଥିବା କାଶ୍ମୀର ପୋଲିସ ସୂତ୍ରରୁ ସୂଚନା ମିଳିଛି । ତେବେ କ୍ଷୟକ୍ଷତି ନେଇ ସେନା ପକ୍ଷରୁ କିଛି ସ୍ପଷ୍ଟ କରାଯାଇନାହିଁ ।
ମିଳିଥିବା ସୂଚନା ଅନୁସାରେ, ଉକ୍ତ ଅଞ୍ଚଳରେ ପାଟ୍ରୋଲିଂ ଚାଲିଥିବାବେଳେ ଆତଙ୍କୀମାନେ ଅତର୍କିତ ଆକ୍ରମଣ କରିଥିଲେ । ଏହି ଆକ୍ରମଣରେ ମୃତାହତଙ୍କ ସମ୍ପର୍କରେ ସରାକରୀ ଭାବେ ସେନା କିଛି ପ୍ରକାଶ କରି ନଥିବା ବେଳେ ଏଥିରେ ଜଣେ ସାଧାରଣ ନାଗରିକ ଏବଂ ଜଣେ ପୋଲିସ କର୍ମଚାରୀ ଆହତ ହୋଇଥିବା ସୂତ୍ରରୁ ସୂଚନା ରହିଛି । ଆକ୍ରମଣ ପରେ ଏହି ଅଞ୍ଚଳକୁ କର୍ଡନ କରି ସୁରକ୍ଷା ବଳ ପକ୍ଷରୁ ସର୍ଚ୍ଚ ଅପରେସନକୁ ବ୍ୟାପକ କରାଯାଇଥିବା ସ୍ଥାନୀୟ ପୋଲିସ ପକ୍ଷରୁ ସୂଚନା ମିଳିଛି ।
ANI
