ମୁମ୍ବାଇ: ଛାତ୍ରଛାତ୍ରୀଙ୍କୁ ନେଇ ସ୍କୁଲ ଯାଉଥିବା ବସ ଦୁର୍ଘଟଣାଗ୍ରସ୍ତ । ମଦ୍ୟପ ଡ୍ରାଇଭର ୪୦ ଛାତ୍ରଛାତ୍ରୀଙ୍କୁ ନେଇ ସ୍କୁଲ ଯାଉଥିବା ସମୟରେ ଭାରସାମ୍ୟ ହରାଇ ବସକୁ ଏକ ଅଟୋ ସହ ଧକ୍କା ଦେଇଥିଲା । ତେବେ ବସରେ ଥିବା ଛାତ୍ରଛାତ୍ରୀମାନେ ଅଳ୍ପକେ ବର୍ତ୍ତି ଯାଇଛନ୍ତି । ଦୁର୍ଘଟଣା ଘଟାଇଥିବା ମଦ୍ୟପ ଡ୍ରାଇଭର ବିରୋଧରେ ମାମଲା ରୁଜୁ କରିଛି ପୋଲିସ ।
ମହାରାଷ୍ଟ୍ର ନବୀ ମୁମ୍ବାଇ (Navi Mumbai, Maharashtra)ରେ ଏଭଳି ଦୁର୍ଘଟଣା ଘଟିଛି । ଏକ ସ୍କୁଲ ବସରେ ୪୦ ଜଣ ଛାତ୍ରଛାତ୍ରୀ ଯାଉଥିବାବେଳେ ଉକ୍ତ ବସର ଚାଳକ ନିଶାସକ୍ତ ଅବସ୍ଥାରେ ଥିଲା । ତେବେ ରାସ୍ତାରେ ଭାରସାମ୍ୟ ହରାଇ ବସଟି ଏକ ଅଟୋକୁ ଧକ୍କା ଦେଇଥିଲା । ବସରେ ଥିବା ସମସ୍ତ ୪୦ ଛାତ୍ରଛାତ୍ରୀ ସୁରକ୍ଷିତ ରହିଥିବା ଜଣାପଡ଼ିଛି । ଅଭିଯୁକ୍ତ ମଦ୍ୟପ ଡ୍ରାଇଭର ବିରୋଧରେ ମୁମ୍ବାଇର ଏନଆରଆଇ ଥାନାରେ (NRI police station) ଏକ ମାମଲା ରୁଜୁ କରାଯାଇଥିବା ପୋଲିସ ସୂଚନା ଦେଇଛି । ଅଭିଯୁକ୍ତ ଡ୍ରାଇଭର ହେଉଛି ଅଶୋକ ଜନାର୍ଦ୍ଦନ ଥୋରାଟ (୬୫) ।
ବ୍ୟୁରୋ ରିପୋର୍ଟ, ଇଟିଭି ଭାରତ
