ଢାକା: ବାଂଲାଦେଶରେ ପ୍ରସିଦ୍ଧ ଜେସୋରେଶ୍ବରୀ କାଳୀ ମନ୍ଦିର ଦର୍ଶନ କଲେ ପିଏମ ମୋଦି । ଗସ୍ତର ଦ୍ବିତୀୟ ଦିନରେ ସେ ବିଭିନ୍ନ ଦେବାଦେବୀଙ୍କ ମନ୍ଦିର ଦର୍ଶନ କରିଛନ୍ତି । ଏହି ଅବସରରେ ସେ କହିଛନ୍ତି ସମଗ୍ର ମାନବ ସମାଜରୁ କୋଭିଡ 19 ଦୂରେଇବା ପାଇଁ ପ୍ରାର୍ଥନା କରିଛନ୍ତି।
ଦୁଇଦିନିଆ ବାଂଲାଦେଶ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ବାଂଲାଦେଶର ସାତକ୍ଷୀରା ଜିଲ୍ଲାର ଇଶ୍ବରୀପୁରରେ ଥିବା ପ୍ରସିଦ୍ଧ ଜେସୋରେଶ୍ବରୀ କାଳୀ ମନ୍ଦିର ଯାଇଛନ୍ତି । ପ୍ରଧାନମନ୍ତ୍ରୀ ଏହି ମନ୍ଦିରରେ ପହଞ୍ଚି ପୂଜାର୍ଚ୍ଚନା କରିବା ସହ ମାଙ୍କ ଦର୍ଶନ କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦର୍ଶନ ପରେ କହିଛନ୍ତି ଯେ, ମା କାଳୀଙ୍କୁ ପ୍ରଣାମ କରିବାର ସୁଯୋଗ ପାଇଲି | ସମଗ୍ର ମାନବ ସମାଜରୁ ମହାମାରୀ COVID19କୁ ମୁକ୍ତ କରିବାକୁ ମୁଁ ତାଙ୍କୁ ପ୍ରାର୍ଥନା କଲି ।
ସୂଚନାଥାଉକି ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାଂଲାଦେଶ ଗସ୍ତ କରିଛନ୍ତି । ଗସ୍ତର ପ୍ରଥମ ଦିନରେ ବାଂଲାଦେଶର 50 ବର୍ଷ ପୂର୍ତ୍ତି କାର୍ଯ୍ୟକ୍ରମରେ ଯୋଗ ଦେଇଥିଲେ । ଏହି ଅବସରରେ ସେ ବାଂଲାଦେଶର ପ୍ରତିଷ୍ଠାତା ଶେଣ ମୁଜିବୁର ରେହମନଙ୍କୁ ପ୍ରଶଂସା କରିଥିଲେ । ବାଂଲାଦେଶ ମୁ୍କ୍ତି ଆନ୍ଦୋଳନରେ ଭାରତର ଭୂମିକାକୁ ନେଇ ସ୍ପଷ୍ଟ ମତ ରଖିଥିଲେ ।
@ANI
