Rozgar Mela: ବମ୍ଫର ନିଯୁକ୍ତି, ଦିନକରେ 70 ହଜାର ନିଯୁକ୍ତିପତ୍ର ବାଣ୍ଟିଲେ ପ୍ରଧାନମନ୍ତ୍ରୀ

ଦେଶରେ 70 ହଜାର 126 ଯୁବକ ଯୁବତୀଙ୍କୁ ଭିଡିଓ କନଫରେନ୍ସିଂ ଜରିଆରେ ନିଯୁକ୍ତିପତ୍ର ବାଣ୍ଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରୋଜଗାର ମେଳା ଅଧୀନରେ ନିଯୁକ୍ତି ପାଇଛନ୍ତି ଏହି କର୍ମଚାରୀ । ଅଧିକ ପଢନ୍ତୁ

ନୂଆଦିଲ୍ଲୀ: ଦିନକରେ ଚାକିିରି ପାଇଲେ 70 ହଜାର ଯୁବକ ଯୁବତୀ । ଦେଶରେ 70 ହଜାର 126 ଯୁବକ ଯୁବତୀଙ୍କୁ ଭିଡିଓ କନଫରେନ୍ସିଂ ଜରିଆରେ ନିଯୁକ୍ତିପତ୍ର ବାଣ୍ଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରୋଜଗାର ମେଳା ଅଧୀନରେ ନିଯୁକ୍ତି ପାଇଛନ୍ତି ଏହି କର୍ମଚାରୀ । ନିଯୁକ୍ତି କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଲକ୍ଷ୍ୟରେ ଷଷ୍ଠ ରୋଜଗାର ମେଳାରେ ବିଭିନ୍ନ ପରୀକ୍ଷାରେ କୃତକାର୍ଯ୍ୟ ହୋଇଥିବା ଯୁବକ ଯୁବତୀ କେନ୍ଦ୍ର ସରକାରଙ୍କ ବିଭିନ୍ନ ବିଭାଗରେ ନିଯୁକ୍ତି ପାଇଛନ୍ତି । ନିଯୁକ୍ତିପତ୍ର ବାଣ୍ଟିବା ସହିତ ସମସ୍ତ ନବନିଯୁକ୍ତଙ୍କୁ ଶୁଭେଚ୍ଛା ସହ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ । ରୋଜଗାର ମେଳା ଏନଡିଏ-ବିଜେପି ସରକାରଙ୍କ ନୂଆ ପରିଚୟ ପାଲଟିଛି ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

• More than 70,000 youth have been given appointment letters today. The 'Rozgar Mela' has become a new identity of the NDA-BJP government: PM Modi pic.twitter.com/3arXlDDHVQ

  — ANI (@ANI) June 13, 2023 " class="align-text-top noRightClick twitterSection" data="

  More than 70,000 youth have been given appointment letters today. The 'Rozgar Mela' has become a new identity of the NDA-BJP government: PM Modi pic.twitter.com/3arXlDDHVQ

  — ANI (@ANI) June 13, 2023

  ">

  More than 70,000 youth have been given appointment letters today. The 'Rozgar Mela' has become a new identity of the NDA-BJP government: PM Modi pic.twitter.com/3arXlDDHVQ

  — ANI (@ANI) June 13, 2023

ରୋଜଗାର ମେଳାକୁ ସମ୍ଭୋଧନ କରି ପ୍ରଧାନମନ୍ତ୍ରୀ କହିଛନ୍ତି, '' ଯେଉଁ ବ୍ୟକ୍ତି ଏହି ସମୟରେ ସରକାରୀ ଚାକିରି କରୁଛନ୍ତି ସେମାନଙ୍କ ପାଇଁ ଏହା ଅଧିକ ମହତ୍ତ୍ବପୂର୍ଣ୍ଣ ସମୟ । ଆଜାଦୀ କା ଅମୃତ ମହୋତ୍ସବ ଆରମ୍ଭ ହୋଇଛି । ତୁମ ଆଗରେ ଆଗାମୀ 25 ବର୍ଷରେ ଭାରତକୁ ବିକଶିତ ଭାରତ କରିବା ଲକ୍ଷ୍ୟ ରହିଛି । ବର୍ତ୍ତମାନ ସହିତ ଦେଶର ଉଜ୍ବଳ ଭବିଷ୍ୟତ ପାଇଁ କାମ କରିବାକୁ ହେବ । ଆଜି ଭାରତରେ ପ୍ରାଇଭେଟ ଓ ପବ୍ଲିକ ସେକ୍ଟରରେ ଦେଶର ନାଗରିକଙ୍କ ପାଇଁ ନିରନ୍ତର ନୂଆ ସୁଯୋଗ ତିଆରି କରାଯାଉଛି । ବଡ ସଂଖ୍ୟାରେ ଯୁବଗୋଷ୍ଠୀ ସ୍ବାରୋଜଗାର ପାଇଁ ଆଗକୁ ଆସୁଛନ୍ତି । ଷ୍ଟ୍ରାର୍ଟଅପ ଇଣ୍ଡିଆ, ଷ୍ଟେଟ ଅପ ଇଣ୍ଡିଆ ଭଳି ଅଭିଯାନରେ ଯୁବଗୋଷ୍ଠୀଙ୍କ ସମାର୍ଥ୍ୟ ବଢିଛି । ଆଜି ସମଗ୍ର ବିଶ୍ବ ଆମର ବିକାଶ ଯାତ୍ରା ସହ ଚାଲିବାକୁ ତତ୍ପରତା ପ୍ରକାଶ କରିଛି । ଭାରତ ତାର ଅର୍ଥବ୍ୟବସ୍ଥାକୁ ନୂଆ ଶିଖର ଦିଗରେ ନେଇଛି ।''

ପ୍ରଧାନମନ୍ତ୍ରୀ ଆହୁରି କହିଛନ୍ତି, ରୋଜଗାର ମେଳା ଏନଡିଏ-ବିଜେପି ସରକାରଙ୍କ ନୂଆ ପରିଚୟ ହୋଇଛି । ଏକ ଦଶକ ପୂର୍ବ ତୁଳନାରେ ଆଜି ଭାରତ ସ୍ଥିର, ସୁରକ୍ଷିତ ଓ ମଜଭୁତ ଦେଶ ହୋଇଛି । ରାଜନୈତିକ ଭ୍ରଷ୍ଟାଚାର, ଯୋଜନାରେ ଦୁର୍ନୀତି, ଫଣ୍ଡରୁ ଦୂରୋପଯୋଗ ପୂର୍ବ ସରକାରଙ୍କ ପରିଚୟ ଥିଲା । ଆଜି ଭାରତ ତାର ରାଜନୈତିକ ସ୍ଥିରତା ପାଇଁ ଜଣାଶୁଣା । ଆଜି ଭାରତ ସରକାରଙ୍କ ପରିଚୟ ତାର ନିର୍ଣ୍ଣାୟକ ନିଷ୍ପତ୍ତିରୁ ହେଉଛି । ଆର୍ଥିକ ଓ ସାମାଜିକ ସୁଧାର ଭାରତର ପରିଚୟ ହୋଇଛି । ପୂର୍ବ ସରକାର ତୁଳନାରେ ଭାରତ ଆଜି ସବୁ କ୍ଷେତ୍ରରେ ଉନ୍ନତ ପ୍ରଦର୍ଶନ କରିଛି ।

ଏହି ଷଷ୍ଠ ରୋଜଗାର ମେଳା ଦେଶର 43ଟି ସ୍ଥାନରେ ଅନୁଷ୍ଠିତ ହୋଇଛି । ନିଯୁକ୍ତି ପାଇଥିବା ଅଧିକାରୀମାନେ କେନ୍ଦ୍ର ସରକାରଙ୍କ ବିଭିନ୍ନ ମନ୍ତ୍ରଣାଳୟ ତଥା ରାଜ୍ୟ ସରକାରଙ୍କ ଅଧିନରେ କେନ୍ଦ୍ରଶାସିତ ଅଞ୍ଚଳଗୁଡିକରେ ନିଯୁକ୍ତି ପାଇଛନ୍ତି । ନୂତନ ନିଯୁକ୍ତ କର୍ମଚାରୀମାନେ ସେବା ବିଭାଗ, ଡାକ ବିଭାଗ, ଶିକ୍ଷା ଉଚ୍ଚଶିକ୍ଷା, ରାଜସ୍ବ, ସ୍ବାସ୍ଥ୍ୟ, ରେଳ ମନ୍ତ୍ରଣାଳୟ, ଆଇଟି ଏବଂ ଆକାଉଣ୍ଟାସ ବିଭାଗର ବିଭିନ୍ନ ପଦ ପଦବୀରେ ଯୋଗ ଦେବେ ।

ଦେଶରେ ନିଯୁକ୍ତି କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ପାଇଁ କେନ୍ଦ୍ର ସରକାର ରୋଜଗାର ମେଳାର ପରିକଳ୍ପନା କରିଛନ୍ତି । ଏହା ମାଧ୍ୟମରେ ଗୋଟିଏ ବର୍ଷରେ 10 ଲକ୍ଷ ନିଯୁକ୍ତି ଦେବାକୁ ଲକ୍ଷ୍ୟ ରଖିଛନ୍ତି । ନିଯୁକ୍ତି ସୃଷ୍ଟିରେ ରୋଜଗାର ମେଳା ଏକ ଉତପ୍ରେରକ ଭାବେ କାର୍ଯ୍ୟ କରିବ ଏବଂ ଯୁବକଯୁବତୀମାନଙ୍କୁ ସଶକ୍ତ କରିବ । ଗତ ମେ' 16 ତାରିଖରେ ଏକ ରୋଜଗାର ମେଳାରେ 71 ହଜାର ନିଯୁକ୍ତିପତ୍ର ବାଣ୍ଟିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।