ନୂଆଦିଲ୍ଲୀ: କେନ୍ଦ୍ର ସରକାରଙ୍କ ବିରୁଦ୍ଧରେ ମିଳିତ ରଣନୀତି ପ୍ରସ୍ତୁତ ପାଇଁ ଗତକାଲି(ଶୁକ୍ରବାର) ବିଭିନ୍ନ ବିରୋଧୀ ଦଳଙ୍କ ମଧ୍ୟରେ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ଏହି ଭର୍ଚୁଆଲ ବୈଠକରେ ଦେଶର 19ଟି ଜାତୀୟ ଓ ଆଞ୍ଚଳିକ ଦଳ ଉପସ୍ଥିତ ହୋଇ ଆସନ୍ତା ମାସ 10 ଦିନ ବିରୋଧ ପ୍ରଦର୍ଶନ କରିବାକୁ ନିଷ୍ପତ୍ତି ନିଆଯାଇଛି ।
ସୂଚନା ଅନୁଯାୟୀ ଆସନ୍ତା ସେପ୍ଟେମ୍ବର 20 ରୁ 30 ପର୍ଯ୍ୟନ୍ତ କେନ୍ଦ୍ର ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିବେ 19 ବିରୋଧୀ ଦଳ । 19 ବିରୋଧୀ ଦଳର ନେତା 'ଧର୍ମନିରପେକ୍ଷ, ଗଣତାନ୍ତ୍ରିକ ଏବଂ ରିପବ୍ଲିକାନ୍' ଆଦେଶକୁ ସମସ୍ତ ଶକ୍ତି ସହିତ ରକ୍ଷା କରିବା ପାଇଁ ଦେଶବାସୀଙ୍କୁ ଆହ୍ବାନ ଦେଇଛନ୍ତି । ଆଜି ଭାରତକୁ ବଞ୍ଚାନ୍ତୁ, ଯାହାଫଳରେ ଆମେ ଏହାକୁ ଆସନ୍ତାକାଲି ପାଇଁ ବଦଳାଇ ପାରିବା ବୋଲି ବିରୋଧୀ ନେତା କହିଛନ୍ତି ।
ଏଥିସହ 11 ଦଫା ଦାବି ରଖିଛନ୍ତି ବିରୋଧୀ । ପେଗାସସ୍ ମାମଲା, କୃଷକ ବିରୋଧୀ ତିନୋଟି ନିୟମକୁ ରଦ୍ଦ କରିବା, କୋଭିଡ -19 ମହାମାରୀର ଚରମ ଅବ୍ୟବସ୍ଥା, ନିମ୍ନଗାମୀ ମୁଦ୍ରାସ୍ଫୀତି ଏବଂ ବେରୋଜଗାର ବୃଦ୍ଧି ପାଇଁ ପେଗାସସ୍ ସାମରିକ ଗୁପ୍ତଚର ବ୍ୟବହାରକୁ ବେଆଇନ ବ୍ୟବହାର ଆଦିକୁ ନେଇ ବିକ୍ଷୋଭ କରିବେ ବିରୋଧୀ । ତେବେ ଏହି ଭର୍ଚୁଆଲ ବୈଠକରେ ଯୋଗ ଦେଇଥିବା 19ଟି ବିରୋଧୀ ଦଳ ହେଉଛନ୍ତି, ଭାରତୀୟ ଜାତୀୟ କଂଗ୍ରେସ, ତୃଣମୂଳ କଂଗ୍ରେସ, ଏନସିପି, ଡିଏମକେ, ଶିବସେନା, ଜେଏମଏମ, ସିପିଆଇ, ସିପିଏମ୍, ଜାତୀୟ ସମ୍ମିଳନୀ, ରାଷ୍ଟ୍ରୀୟ ଜନତା ଦଳ, AIUDF, VCK, ଲୋକପ୍ରଦେଶ ଜନତା ଦଳ, ଜେଡିଏସ୍, ଆରଏଲଡି, ଆରଏସପି, କେରଳ କଂଗ୍ରେସ ମଣି, ପିଡିପି, ଏବଂ ଆଇୟୁଏମଏଲ ।
ସମାଜବାଦୀ ପାର୍ଟିର ନେତା ଅଖିଳେଶ ଯାଦବ ବୈଠକରେ ଯୋଗ ଦେଇପାରିବେନି ବୋଲି ଚିଠି ଯୋଗେ ଜଣାଇଥିଲେ। ସେହିପରି ବାହୁଜନ ସମାଜ ପାର୍ଟି ସଭା ଅଧାରୁ ଅନୁପସ୍ଥିତ ଥିବାବେଳେ ଆମ୍ ଆଦମୀ ପାର୍ଟିକୁ ନିମନ୍ତ୍ରଣ ମିଳି ନଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
