ଥିରୁଅନନ୍ତପୁରମ: କେରଳର ପୌର ଓ ପଞ୍ଚାୟତ ନିର୍ବାଚନରେ ଲେଫ୍ଟ ଡେମୋକ୍ରାଟିକ ଫ୍ରଣ୍ଟର ବୃହତ ବିଜୟ ହୋଇଛି । 3ଟି ପର୍ଯ୍ୟାୟରେ 1199 ସ୍ଥାନୀୟ କ୍ଷେତ୍ରରେ ନିର୍ବାଚନ କରାଯାଇଥିଲା । ଏଥିରେ 952 ଗ୍ରାମପଞ୍ଚାୟତ, 151 ବ୍ଲକ ପଞ୍ଚାୟତ, 86 ପୌରପାଳିକା ଓ 14 ଜିଲ୍ଲାପରିଷଦ ସାମିଲ ରହିଥିଲା । ଏହାସହ 6ଟି ନଗରନିଗମରେ ମଧ୍ୟ ନିର୍ବାଚନ ଅନୁଷ୍ଠିତ ହୋଇଥିଲା ।
ଏହି ନିର୍ବାଚନ ଜରିଆରେ କେରଳରେ ପାଦ ପକାଇବାକୁ ସୁଯୋଗ ଖୋଜୁଥିଲା ବିଜେପି । ଏହି ଦୃଷ୍ଟିକୋଣରୁ ବିଜେପି ପାଇଁ ବେଶ ମହତ୍ବପୂର୍ଣ୍ଣ ଥିଲା ଏହି ନିର୍ବାଚନ । ଆଗାମୀ ବର୍ଷ କେରଳରେ ଅନୁଷ୍ଠିତ ହେବ ବିଧାନସଭା ନିର୍ବାଚନ । ହେଲେ ବିଜେପିକୁ ଏହି ନିର୍ବାଚନରେ ପରାଜୟର ସାମ୍ନା କରିବାକୁ ପଡିଛି ।
ନିର୍ବାଚନରେ ଏଲଡିଏଫ, ୟୁନାଇଟେଡ ଡେମୋକ୍ରାଟିକ ଫ୍ରଣ୍ଟ ଓ ବିଜେପି ମଧ୍ୟରେ କଡା ଟକ୍କର ରହିଥିଲା । କେରଳରେ 2014 ପରେ ବିଜେପିର ଭୋଟ ପ୍ରତିଶତ କ୍ରମାଗତ ବୃଦ୍ଧି ପାଇବାରେ ଲାଗିଛି ।
ଗ୍ରାମପଞ୍ଚାୟତର 941 ସିଟରୁ LDF ହାତରେ 516 ଆସନ ଆସିଥିବା ବେଳେ 375ଟି ଆସନରେ କବଜା କରିଛି UDF ।
କେରଳ ସ୍ଥାନୀୟ କ୍ଷେତ୍ର ନିର୍ବାଚନ ଫଳାଫଳ
ଗ୍ରାମପଞ୍ଚାୟତ-941
LDF -516
UDF -375
NDA-22
ଅନ୍ୟ-28
ବ୍ଲକ ପଞ୍ଚାୟତ-152
LDF-108
UDF-44
ଜିଲ୍ଲା ପରିଷଦ-14
LDF-10
UDF-4
ପୌରପାଳିକା-86
LDF-35
UDF-45
NDA -2
ଅନ୍ୟ -4
ନଗରନିଗମ-6
LDF-3
UDF-3
ବିଧାନସଭା ନିର୍ବାଚନ ପୂର୍ବରୁ ଏହି ନିର୍ବାଚନକୁ ଅଗ୍ନିପରୀକ୍ଷା ରୂପେ ବିବେଚନା କରାଯାଇପାରେ । ଏଭଳିସ୍ଥିତିରେ ଏଲଡିଏଫର ବୃହତ ବିଜୟ ନେଇ ମୁଖ୍ୟମନ୍ତ୍ରୀ ପିନାରାୟୀ ବିଜୟନ କହିଛନ୍ତି ଯେ ଏଲଡିଏଫକୁ ଏହି ନିର୍ବାଚନରେ ବଡ ସଫଳତା ମିଳିଛି । ଏହା ରାଜ୍ୟର ଜନସାଧାରଣଙ୍କ ବିଜୟ ବୋଲି କହିଛନ୍ତି ବିଜୟନ ।
