ଚେନ୍ନାଇ: ଡରାଇଲା କୋରୋନା ସଂକ୍ରମଣ । ଶେଷରେ ବର୍ତ୍ତିବା ପାଇଁ ବିଷ ପିଇଲେ ଗୋଟିଏ ପରିବାରର ୫ ସଦସ୍ୟ । ସେମାନଙ୍କ ମଧ୍ୟରୁ ଜଣେ ୨୩ ବର୍ଷୀୟା ମହିଳା ଓ ତାଙ୍କ ୩ ବର୍ଷୀୟ ପୁଅର ମୃତ୍ୟୁ ହୋଇଥିବା ସୂଚନା ମିଳିଛି । ଏଭଳି ଅଭାବନୀୟ ଘଟଣା ଘଟିଛି ତାମିଲନାଡୁର ମାଣ୍ଡୁରାଇରେ ।
ସୂଚନା ଅନୁୟାୟୀ ମୃତ ମହିଳା ଜଣଙ୍କ ହେଉଛନ୍ତି ଜ୍ୟୋତିକା । ବାପାଙ୍କ ମୃତ୍ୟୁ ପରେ ସେ ତାଙ୍କ ମା’ଙ୍କ ପାଖରେ ରହୁଥିଲେ । କୋରୋନାର ସାମାନ୍ୟ ଲକ୍ଷଣ ଦେଖା ଦେବାରୁ ସେ ଜାନୁଆରୀ ୮ ତାରିଖ ଦିନ କୋରୋନା ପରୀକ୍ଷା କରିଥିଲେ । ଏହାପରେ ତାଙ୍କ ରିପୋର୍ଟ ପଜିଟିଭ ଆସିଥିଲା ।
ତେବେ ପରିବାରର ଅନ୍ୟ ସଦସ୍ୟକୁ ସଂକ୍ରମଣ ଭୟରେ ପରିବାରର ୫ ଜଣ ସଦସ୍ୟ ବିଷ ପିଇ ଦେଇଥିଲେ । ଏନେଇ ସ୍ଥାନୀୟ ଲୋକେ ପୋଲିସକୁ ଖବର ଦେବା ପରେ ଘଟଣାସ୍ଥଳରେ ପୋଲିସ ପହଞ୍ଚି ପରିବାର ସଦସ୍ୟଙ୍କୁ ହସ୍ପିଟାଲରେ ଭର୍ତ୍ତି କରିଛି । ସେମାନଙ୍କ ମଧ୍ୟରେ ୨ ଜଣଙ୍କ ମୃତ୍ୟୁ ହୋଇଥିବା ପୋଲିସ ସୂଚନା ଦେଇଥିଲା ।
