ନୂଆଦିଲ୍ଲୀ: ହରିୟାଣା ଉପମୁଖ୍ୟମନ୍ତ୍ରୀ ଦୁଷ୍ମନ୍ତ ଚୌତାଲା ରବିବାର କହିଛନ୍ତି ଯେ ସମସ୍ତ କୃଷକ ସଙ୍ଗଠନ ଏବଂ ସରକାର ବିବାଦୀୟ କୃଷି ଆଇନ ଉପରେ ସମାଧାନ ପାଇଁ ଆଲୋଚନା ଆରମ୍ଭ କରିବା ଉଚିତ । ଏହାସହ ସେ ଆହୁରି କହିଛନ୍ତି ହରିୟାଣାରେ ବିଜେପି-ଜେଜେ ସରକାର ପାଇଁ କୌଣସି ବିପଦ ନାହିଁ।
ଚାଷ ଆଇନ ଉପରେ ସମାଧାନ କରିବା ପାଇଁ କେନ୍ଦ୍ର ସରକାର ନିରନ୍ତର କାର୍ଯ୍ୟ କରୁଛନ୍ତି । ଏହା କେବଳ ଆଲୋଚନା ଓ କଥାବାର୍ତ୍ତା ମାଧ୍ୟମରେ ହାସଲ କରାଯାଇପାରିବ। ଚୌତାଲା ଆହୁରି ମଧ୍ୟ କହିଛନ୍ତି 'କେନ୍ଦ୍ର ସରକାର କୃଷକ ସଂଗଠନର ନେତାଙ୍କ ସହ ନିରନ୍ତର ଆଲୋଚନା କରିଆସୁଛନ୍ତି ଏବଂ ଏହାର ସମାଧାନ ପାଇଁ ନୂତନ କୃଷି ଆଇନରେ ସଂଶୋଧନ କରିବାକୁ ମଧ୍ୟ ପ୍ରସ୍ତୁତ ଅଛନ୍ତି । କେବଳ କଥାବାର୍ତ୍ତା ମାଧ୍ୟମରେ ଏହାର ସମାଧାନ ହୋଇପାରିବ । ସମସ୍ତ କୃଷକ ସଙ୍ଗଠନ ସରକାରଙ୍କ ସହ ପୁଣିଥରେ ଆଲୋଚନା ଆରମ୍ଭ କରିବାକୁ ରାଜି ହେଲେ ହିଁ ଏହାର ସମାଧାନ ହୋଇପାରିବ ବୋଲି ସେ କହିଛନ୍ତି । ସଂସଦରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚାଷୀଙ୍କ ନିଶ୍ଚିତତା ସମ୍ପର୍କରେ ମତ ରଖିଛନ୍ତି । ପ୍ରଧାନମନ୍ତ୍ରୀ ରାଜ୍ୟସଭାରେ ଏକ ବିବୃତ୍ତି ଦେଇଛନ୍ତି ଏବଂ ସର୍ବନିମ୍ନ ସହାୟତା ମୂଲ୍ୟ (ଏମଏସପି) ରହିବ ବୋଲି ଏମଏସପି ଭବିଷ୍ୟତରେ ଅଛି ଏବଂ ରହିବ ବୋଲି କହିଛନ୍ତି । ପ୍ରଧାନମନ୍ତ୍ରୀଙ୍କ ବିବୃତ୍ତି ଏମଏସପି ଉପରେ ଥିବା ସମସ୍ତ ସନ୍ଦେହ ଦୂର କରିଛନ୍ତି।
ଖାଦ୍ୟ ସୁରକ୍ଷା ଆଇନ ମାଧ୍ୟମରେ ସରକାର 80 କୋଟି ଲୋକଙ୍କ ଲାଭ ପାଇବେ । ଦେଶର 80 କୋଟି ଲୋକଙ୍କୁ ଖାଦ୍ୟ ଯୋଗାଇବା ପାଇଁ କେନ୍ଦ୍ର ସରକାରଙ୍କ ଉଦ୍ୟମକୁ ଦେଖି କୃଷକମାନେ ଆଲୋଚନା ମାଧ୍ୟମରେ ସମାଧାନର ରାସ୍ତା ଖୋଜିବାକୁ ଚେଷ୍ଟା କରିବେ କହିଛନ୍ତି । ଚାଷୀଙ୍କ ବିରୋଧକୁ ନେଇ ହରିୟାଣାରେ ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ସରକାରଙ୍କୁ ସମର୍ଥନ ପ୍ରତ୍ୟାହାର ପ୍ରସଙ୍ଗରେ କହିଛନ୍ତି ରାଜ୍ୟ ସରକାର ସ୍ଥିର ଅଛନ୍ତି ଏବଂ ଏଥିରେ ଚିନ୍ତା କରିବାର କିଛି ନାହିଁ ବୋଲି ଚୌତାଲା କହିଛନ୍ତି । ହରିୟାଣାରେ ବିଜେପି ଓ ଜନନାୟକ ଜନତା ପାର୍ଟି (ଜେଜେପି) ମଧ୍ୟରେ ମେଣ୍ଟ ସରକାର ରହିଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
