ମୁମ୍ବାଇ: ସାନ ଭଉଣୀକୁ ବଡ ଭଉଣୀର ଅସଦାଚରଣ ଅଭିଯୋଗ । ପୁନେରୁ ଏଭଳି ସାଂଘାତିକ ଅଭିଯୋଗ ଆସିଛି । ସାନ ଭଉଣୀଙ୍କ ଅଭିଯୋଗରେ ବିମାନବନ୍ଦର ପୋଲିସ ଷ୍ଟେସନରେ ବଡ଼ ଭଉଣୀ ବିରୁଦ୍ଧରେ ଯୌନ ନିର୍ଯାତନା ମାମଲା ରୁଜୁ ହୋଇଛି । ତେବେ ପୀଡିତା ଜଣକ ଘଟଣା ସମ୍ପର୍କରେ ଜଣାଇବା ପରେ ପୋଲିସ ବଡ ଭଉଣୀ ବିରୋଧରେ ଯୌନ ଶୋଷଣ ମାମଲା ରୁଜୁ କରିଛି ।
ସୂଚନା ମୁତାବକ, ବିମାନବନ୍ଦର ଥାନା ଅଞ୍ଚଳରେ ଜଣେ 18 ବର୍ଷର ଯୁବତୀଙ୍କ ଅଭିଯୋଗକୁ ଭିତ୍ତି କରି 24 ବର୍ଷୀୟା ଯୁବତୀଙ୍କ ବିରୋଧରେ ମାମଲା ରୁଜୁ ହୋଇଛି । ପୋଲିସର ସୂଚନାନୁସାରେ ଉଭୟ ସମ୍ପର୍କରେ ଦୁଇ ଭଉଣୀ । ଏମାନେ ନିଜ ପରିବାର ସହ ଭିମାନନଗର ଅଞ୍ଚଳରେ ମିଶିକି ରହୁଛନ୍ତି । ହେଲେ ଜାନୁଆରୀ 23ରେ ସାନ ଭଉଣୀ ଘରର ଡ୍ରଇଂ ରୁମରେ ଶୋଇଥିବା ବେଳେ ବଡ ଭଉଣୀ ତାଙ୍କ ସହ ଅସଦାଚରଣ କରିଥିବା ଅଭିଯୋଗ ହୋଇଛି । ଏନେଇ ସେ ଏୟାରପୋର୍ଟ ପୋଲିସ ଥାନାରେ ବଡ଼ ଭଉଣୀଙ୍କ ବିରୋଧରେ ଅଭିଯୋଗ କରିଛନ୍ତି ।
ତେବେ ଅଭିଯୋଗକାରୀ ବର୍ତ୍ତମାନ ଜଣେ ଦ୍ବାଦଶ ଶ୍ରେଣୀରେ ପଢୁଥିବା ବେଳେ ଅଭିଯୁକ୍ତ ବଡ ଭଉଣୀ ବିବାହିତା । ପୀଡ଼ିତାଙ୍କ ଅଭିଯୋଗ କରି କହିଛନ୍ତି, "ମୁଁ ଶୋଇଥିବା ସମୟର ବଡ ଭଉଣୀ ମୋତେ ଖରାପ ସ୍ପର୍ଶ କରିବା ସହ ଯୌନ ନିର୍ଯାତନା ଦେଇଥିଲେ । ଶୋଇଥିବାରୁ ପ୍ରଥମେ ମୋ ସହ କଣ ଘଟୁଛି ତାହା ଜାଣି ପାରି ନଥିଲି । ହେଲେ ଆଖି ଖୋଲିଲା ବେଳକୁ ବଡ଼ ଭଉଣୀ ମତେ ଆଘାତ ଦେଉଥିବା ଜାଣି ପାରିଥିଲି । ଏନେଇ ଆମ ଦୁହିଁଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ବଡ଼ ଭଉଣୀକୁ ତୀବ୍ର ବିରୋଧ ମଧ୍ୟ କରିଥିଲି। ହେଲେ ପୁଣି ଥରେ ବଡ ଭଉଣୀ ମୋ ସହ ଅସଦାଚରଣ କରିବାକୁ ଚେଷ୍ଟା କରିଥିଲା ।" ସାନ ଭଉଣୀ ଭୟଭୀତ ହୋଇ ଶେଷରେ ବଡ ଭଉଣୀ ବିରୋଧରେ ଥାନାରେ ଅଭିଯୋଗ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
