ଡ୍ରୋନ ଷ୍ଟ୍ରାଇକ୍‌: ଗୁଜୁରାଟ ଉପକୂଳରୁ 200 ନଟିକାଲ ମାଇଲ ଦୂରରେ ଜାହାଜ ଠାବ, 20 ଭାରତୀୟ ସୁରକ୍ଷିତ

Drone Attack on Israel-affiliated ship: ଗୁଜୁରାଟ ଉପକୂଳରୁ 200 ନଟିକାଲ ମାଇଲ ଦୂରରେ ଜାହାଜକୁ ଠାବ କଲା କୋଷ୍ଟଗାର୍ଡ ହେଲିକପ୍ଟର । ସୁରକ୍ଷିତ ରହିଛନ୍ତି 20 ଭାରତୀୟଙ୍କ ସମେତ ସମସ୍ତ ନାବିକ । ଜାହାଜ ନିକଟକୁ ଯାତ୍ରା ଆରମ୍ଭ କଲା ନୌସେନା ଜାହାଜ । କଧିକ ପଢନ୍ତୁ

ନୂଆଦିଲ୍ଲୀ: ଇସ୍ରାଏଲ ସହ ଅନୁବନ୍ଧିତ ଏକ ତୈଳ ଟ୍ୟାଙ୍କର ଜାହାଜକୁ ଭାରତୀୟ ଉପକୂଳରେ ଡ୍ରୋନ ଯୋଗେ ଆକ୍ରମଣ କରାଯାଇଥିବା ସୂଚନା ମିଳିବା ପରେ ଭାରତୀୟ ନୌସେନା ଓ କୋଷ୍ଟଗାର୍ଡ ଜାହାଜକୁ ଠାବ କରିବା କାର୍ଯ୍ୟ ଆରମ୍ଭ କରିଛନ୍ତି । କୋଷ୍ଟଗାର୍ଡର ଡ୍ରୋନିୟର ସାମୁଦ୍ରିକ ପାଟ୍ରୋଲିଂ ବିମାନ ଖବର ମିଳିବାର ମାତ୍ର କେଇ ଘଣ୍ଟା ମଧ୍ୟରେ ଉକ୍ତ ଜାହାଜର ଅବସ୍ଥିତି ମଧ୍ୟ ସ୍ପଷ୍ଟ କରିବା ସହ ଜାହାଜ କମାଣ୍ଡିଂ ଟିମ ସହ ଯୋଗାଯୋଗ ସ୍ଥାପନ କରିବାରେ ସଫଳ ହୋଇଛି । ଏହି ଜାହାଜଟି ଭାରତ ମହାସାଗର ନୁହେଁ ବରଂ ଭାରତର ପଶ୍ଚିମ-ଉପକୂଳ ଆରବ ସାଗରରେ ଆକ୍ରମଣର ଶିକାର ହୋଇଛି । ଗୁଜୁରାଟ ଉପକୂଳରୁ ପ୍ରାୟ 200 ନଟିକାଲ ମାଇଲ ଦୂରରେ ଏହା ଯାତ୍ରା କରୁଥିବା ବେଳେ ଆଜି ଅପରାହ୍ନରେ ଡ୍ରୋନ ଆକ୍ରମଣର ସାମ୍ନା କରିଛି ।

• Indian Coast Guard Dornier maritime surveillance aircraft has established communication with the distressed vessel MV Chem Pluto. After the drone attack, the ship switched off its Automatic Identification System which can be used for tracking the vessel. The power generation… pic.twitter.com/oYrvOyrraH

  — ANI (@ANI) December 23, 2023 " class="align-text-top noRightClick twitterSection" data="

  Indian Coast Guard Dornier maritime surveillance aircraft has established communication with the distressed vessel MV Chem Pluto. After the drone attack, the ship switched off its Automatic Identification System which can be used for tracking the vessel. The power generation… pic.twitter.com/oYrvOyrraH

  — ANI (@ANI) December 23, 2023

  ">

  Indian Coast Guard Dornier maritime surveillance aircraft has established communication with the distressed vessel MV Chem Pluto. After the drone attack, the ship switched off its Automatic Identification System which can be used for tracking the vessel. The power generation… pic.twitter.com/oYrvOyrraH

  — ANI (@ANI) December 23, 2023

କୋଷ୍ଟଗାର୍ଡର ସବିଶେଷ ସୂଚନା ଅନୁସାରେ, ଏହି ଜାହାଜଟି ଗୁଜୁରାଟର ଗିର-ସୋମନାଥ ଜିଲ୍ଲା ଉପକୂଳରୁ 200 ନଟିକାଲ ମାଇଲ୍ସ ବା ପ୍ରାୟ 370 କି.ମି ଦୂରରେ ଯାତ୍ରା କରୁଥିଲା । ସବୁଠୁ ବଡ କଥା ହେଲା ସେଥିରେ 20 ରୁ ଅଧିକ ଭାରତୀୟ କ୍ର୍ୟୁ ସଦସ୍ୟ ରହିଛନ୍ତି । ଭାରତୀୟଙ୍କ ସମେତ ଅନ୍ୟ ସମସ୍ତ ନାବିକମାନେ ସୁରକ୍ଷିତ ରହିଛନ୍ତି । ପ୍ରତିରକ୍ଷା ସୂତ୍ରରୁ ମିଳିଥିବା ସୂଚନା ଅନୁସାରେ, ଏହି ଜାହାଜଟି ଏକ ତୈଳ ଟ୍ୟାଙ୍କର । ଏହା ସାଉଦି ଆରବିଆର ଏକ ବନ୍ଦରରୁ ମାଙ୍ଗାଲୋର ବନ୍ଦର ଅଭିମୁଖେ ଯାତ୍ରା ଆରମ୍ଭ କରିଥିଲା ।

ଆକ୍ରମଣର ଶିକାର ହେବା ପରେ ଜାହାଜଟି ନିଜର ଅଟୋମେଟିକ ଆଡିଣ୍ଟିଫିକେସନ ସିଷ୍ଟମ ଆକ୍ଟିଭ୍‌ କରିଥିଲା । ଫଳରେ ସମୂଦ୍ର ମଧ୍ୟରେ ଏହାର ଅବସ୍ଥିତିକୁ ଶିଘ୍ର ଚିହ୍ନଟ କରାଯାଇ ପାରିଛି । ଡ୍ରୋନିୟର ବିମାନରେ ଥିବା ଭାରତୀୟ କୋଷ୍ଟଗାର୍ଡ ପାଟ୍ରୋଲିଂ ଟିମ ଜାହାଜର ନାବିକ ଦଳ ସହ କଥା ମଧ୍ୟ ହୋଇଛନ୍ତି । ଆକାଶ ମାର୍ଗରୁ ଆକ୍ରମଣ ପରେ ଜାହାଜର କିଛି ଅଂଶରେ ବିସ୍ଫୋରଣ ହୋଇଥିଲେ ସୁଦ୍ଧା ଜାହାଜଟିର ମୁଖ୍ୟ ପାଓ୍ବାର ଜେନେରେସନ ସିଷ୍ଟମ ସଞ୍ଚାଳନକ୍ଷମ ରହିଛି । ତେଣୁ ଜାହାଜଟି ଯାତ୍ରା ଜାରି ରଖିଛି । ଅଧିକ ତଦନ୍ତ ମଧ୍ୟ ଜାରି ରହିଥିବା କୋଷ୍ଟଗାର୍ଡ କହିଛି ।

ତେବେ କେବଳ କୋଷ୍ଟଗାର୍ଡ ନୁହେଁ ବରଂ ନୌସେନା ମଧ୍ୟ ଏହି ଅପରେସନରେ ନିୟୋଜିତ ହୋଇଛି । ଗୋଆରେ ଥିବା ନାଭାଲ ବେସ ‘ହଂସ’ରୁ ଏକ ନୌସେନା ଜାହାଜ ମଧ୍ୟ ଘଟଣାସ୍ଥଳକୁ ଯାତ୍ରା ଆରମ୍ଭ କରିଛି । କିଛି ଘଣ୍ଟା ମଧ୍ୟରେ ଏହି ନୌସେନା ଜାହାଜ ମଧ୍ୟ ଉକ୍ତ ଜାହାଜ ନିକଟରେ ପହଞ୍ଚିପାରେ ।

ବ୍ୟୁରୋ ରିପୋର୍ଟ, ଇଟିଭି ଭାରତ