ହାଇଦ୍ରାବାଦ: ବଲିଉଡର ଆକ୍ସନ ସିନେ ନିର୍ଦ୍ଦେଶକ ରୋହିତ ଶେଟ୍ଟୀ ହସ୍ପିଟାଲରେ ଭର୍ତ୍ତି ହୋଇଛନ୍ତି (film director Rohit Shetty injured)। ସୁଟିଂସେଟରେ ଆକ୍ସନ ସିନ ସୁଟ ବେଳେ ସେ ଆହତ ହେବା ପରେ ତାଙ୍କୁ ହାଇଦ୍ରାବାଦର ଏକ ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କ ହାତରେ ଆଘାତ ଲାଗିଥିବା ସୂଚନା ମିଳିଛି । ହାଇଦ୍ରାବାଦ ସ୍ଥିତ ରାମୋଜୀ ଫିଲ୍ମ ସିଟିରେ ରୋହିତଙ୍କ ନିର୍ଦ୍ଦେଶିତ ପ୍ରଥମ ଓ୍ବେବ ସିରିଜ ‘‘ଇଣ୍ଡିଆନ ପୋଲିସ ଫୋର୍ସ’’ର ସୁଟିଂ ଜାରି ରହିଥିବା ବେଳେ ଏହି ଅଘଟଣ ଘଟିଛି ।
ରାମୋଜୀ ଫିଲ୍ମ ସିଟିରେ ରୋହିତଙ୍କ ପ୍ରଥମ ଓ୍ବେବସରିଜ ଇଣ୍ଡିଆନ ପୋଲିସ ଫୋର୍ସର ସୁଟିଂ ଜାରି ରହିଛି । ଆକ୍ସନ ସିନର ସୁଟିଂ ପାଇଁ ଏକ ବଡ ସେଟ ମଧ୍ୟ ପ୍ରସ୍ତୁତ କରାଯାଇଛି (film director Rohit Shetty injured)। ଏକାଧିକ ଷ୍ଟଣ୍ଟ ଟିମ ରୋହିତଙ୍କ ନିର୍ଦ୍ଦେଶନାରେ କାମ କରୁଛନ୍ତି । ଏକ କାର ଚେସ ଆକ୍ସନ ସିନ୍ର ସୁଟିଂ ଚାଲିଥିବା ବେଳେ ରୋହିତ ଆହତ ହୋଇଛନ୍ତି । ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କ ହାତର କିଛି ଅଂଶରେ ସର୍ଜରୀ ମଧ୍ୟ ହୋଇଥିବା ନେଇ ସୂଚନା ମିଳିଛି । ପୂର୍ବରୁ ମଧ୍ୟ ଏକାଧିକ ଆକ୍ସନ ସିନେମା ବଲିଉଡକୁ ଭେଟି ଦେଇଛନ୍ତି ରୋହିତ । ଜଣେ ଆକ୍ସନ ଡିରେକ୍ଟର ଭାବେ ତାଙ୍କର ପରିଚୟ ମଧ୍ୟ ରହିଛି ।
ଗୋଲମାଲ ସିରିଜ୍, ସିଙ୍ଘମ୍ ସିରିଜ୍, ଚେନ୍ନାଇ ଏକ୍ସପ୍ରେସ, ସିମ୍ବା ଏବଂ ସୂର୍ଯ୍ୟବଂଶୀ ଭଳି ଆକ୍ସନ ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିବା ରୋହିତ ଶେଟ୍ଟୀ ପ୍ରଥମ କରି ଓ୍ବେବ ସିରିଜ ପ୍ଲାଟଫର୍ମରେ 'ଇଣ୍ଡିଆନ୍ ପୋଲିସ୍ ଫୋର୍ସ' ନିର୍ଦ୍ଦେଶନା ମାଧ୍ୟମରେ ପ୍ରବେଶ କରିଛନ୍ତି । ଏଥିରେ ଶିଳ୍ପା ସେଟ୍ଟୀ, ସିଦ୍ଧାର୍ଥ ମାଲହୋତ୍ରା ଏବଂ ବିବେକ ଓବରାଏ ପ୍ରମୁଖ କଳାକାର ବିଭିନ୍ନ ଭୂମିକାରେ ନଜର ଆସିବେ । ଏହି ବହୁଚର୍ଚ୍ଚିତ ସିରିଜ୍ ଆମାଜନ୍ ପ୍ରାଇମ୍ ଭିଡିଓରେ ଦେଖିପାରିବେ ଦର୍ଶକ ।
ବ୍ୟୁରୋ ରିପୋର୍ଟ, ଇଟିଭି ଭାରତ