ନୂଆଦିଲ୍ଲୀ: ଦିଲ୍ଲୀରେ ଇସ୍ରାଏଲ ଦୂତାବାସ ନିକଟରେ ହୋଇଥିବା ବିସ୍ଫୋରଣ ମାମଲାରେ ଦିଲ୍ଲୀରେ ଥିବା ଇରାନ ନାଗରିକଙ୍କୁ ପଚରାଉଚରା କରୁଛି ଦିଲ୍ଲୀ ପୋଲିସ । ଦିଲ୍ଲୀ ପୋଲିସର ସ୍ପେଶାଲ ସେଲର ଅଧିକାରୀ ମାନେ ଏହି ଜେରା କରୁଥିବା ଜଣାପଡିଛି । ଏନେଇ ଦିଲ୍ଲୀ ପୋଲିସ ପକ୍ଷରୁ ସୂଚନା ଦିଆଯାଇଛି । ଗତକାଲି ଦିଲ୍ଲୀ ସ୍ଥିତ ଇସ୍ରାଏଲ ଦୂତାବାସ ନିକଟରେ ହୋଇଥିବା ବିସ୍ଫୋରଣରେ ଇରାନର ସମ୍ପୃକ୍ତିଥିବା ସନ୍ଦେହ ଘେରକୁ ଆସିଥିଲା ।
ଶୁକ୍ରବାର ସନ୍ଧ୍ୟାରେ ଦିଲ୍ଲୀସ୍ଥିତ ଏପିଜେ ଅବଦୁଲ କଲାମ ରୋଡରେ ହୋଇଥିବା ବିସ୍ଫୋରଣ ମାମଲାରେ ଦିଲ୍ଲୀ ପୋଲିସ ଘଟଣାସ୍ଥଳରୁ ମିଳିଥିବା ଚିଠିରେ ଇରାନର ସମ୍ପୃକ୍ତି ସନ୍ଦେହ ଘେରକୁ ଆସିଛି । ବିସ୍ଫୋରଣ ପରେ ଇସ୍ରାଏଲ ଦୂତାବାସ କର୍ତ୍ତୁପକ୍ଷଙ୍କ ନିକଟକୁ ଏକ ଧମକପୂର୍ଣ୍ଣ ଚିଠି ମଧ୍ୟ ଆସିଥିଲା ।
ଯେଉଁଥିରେ ଏହି ଆକ୍ରମଣକୁ କେବଳ ମାତ୍ର ଏକ ଟ୍ରେଲର ବୋଲି ଦର୍ଶାଯାଇ ଧମକ ଦିଆଯାଇଥିବା ଦେଖିବାକୁ ମିଳିଛି । ଉକ୍ତ ଚିଠିରେ ଇରାନ ସେନାର ଜେନେରାଲ ଥିବା କାସିମ ସୁଲେମାନୀଙ୍କ ନାମ ସମେତ ଦୁଇଜଣ ଇରାନ ସହିଦଙ୍କ ନାମ ମଧ୍ୟ ଉଲ୍ଲେଖ ରହିଛି । ଜାନୁଆରୀ 2020ରେ ଡ୍ରୋନ୍ ଷ୍ଟ୍ରାଇକରେ ତାଙ୍କୁ ଆମେରିକାରେ ହତ୍ୟା କରାଯାଇଥିଲା ।
ତେଣୁ ଉକ୍ତ ଘଟଣାରେ ଇରାନର ସମ୍ପୃକ୍ତି ଥିବା ଆଶଙ୍କା ବଢୁଥିବା ଯୋଗୁ ଦିଲ୍ଲୀରେ ଥିବା ଇରାନର ନାରଗିକଙ୍କୁ ପଚରାଉଚରା କରୁଛି ଦିଲ୍ଲୀ ପୋଲିସର ସ୍ପେଶାଲ ସେଲ । ଅପରପକ୍ଷରେ ଉକ୍ତ ଆକ୍ରମଣ ପରେ ଇସ୍ରାଏଲ ଦୂତବାସ ନିକଟରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ