ନୂଆଦିଲ୍ଲୀ: ହୋଲି ଖେଳ ବାହାନାରେ ଜାପାନୀ ମହିଳାଙ୍କୁ ର୍ଦୁବ୍ୟବହାର । ସୋସିଆଲ ମିଡିଆରେ ଭିଡିଓ ଭାଇରାଲ ହେବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରିଲା ପୋଲିସ । ଆଜି ଦିଲ୍ଲୀ ପୋଲିସ ୩ ଜଣଙ୍କୁ ଗିରଫ କରିଛି । ଏହି ଘଟଣା ୮ ତାରିଖର ହୋଇଥିବା ନେଇ ପୋଲିସ ପକ୍ଷରୁ ସୂଚନା ଦିଆଯାଇଛି । ଡିପି ଆକ୍ଟ ଅନୁସାରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ସେପଟେ ଏହି ଘଟଣା ପରେ ଯୁବତୀ ଭାରତ ଛାଡିଛନ୍ତି ।
-
A video of a Japanese woman allegedly being harassed by men during Holi celebration had gone viral.
— ANI (@ANI) March 10, 2023 " class="align-text-top noRightClick twitterSection" data="
Cognisance of video taken, no complaint received so far. Email sent to embassy for details of the woman & information on men seen in the video also being collected: Delhi Police
">A video of a Japanese woman allegedly being harassed by men during Holi celebration had gone viral.
— ANI (@ANI) March 10, 2023
Cognisance of video taken, no complaint received so far. Email sent to embassy for details of the woman & information on men seen in the video also being collected: Delhi PoliceA video of a Japanese woman allegedly being harassed by men during Holi celebration had gone viral.
— ANI (@ANI) March 10, 2023
Cognisance of video taken, no complaint received so far. Email sent to embassy for details of the woman & information on men seen in the video also being collected: Delhi Police
ଏହି ଘଟଣାକୁ ନେଇ ଦିଲ୍ଲୀ ପୋଲିସ ପକ୍ଷରୁ କୁହାଯାଇଛି, "ଭାଇରାଲ ହୋଇଥିବା ଭିଡିଓଟି ହୋଲି ଦିନର । ଏହି ଘଟଣା ଦିଲ୍ଲୀର ପାହାଡଗଞ୍ଜରୁ ସାମ୍ନାକୁ ଆସିଥିଲା । ପୀଡିତା ଜଣଙ୍କ ଜାପାନୀ ପର୍ଯ୍ୟଟକ ଥିଲେ ଏବଂ ହୋଲିଦିନ ସେ ପାହାଡଗଞ୍ଜରେ ରହିଥିଲେ । ବର୍ତ୍ତମାନ ସେ ବାଂଲାଦେଶ ଚାଲିଯାଇଛନ୍ତି । ତେବେ ଏନେଇ ଯୁବତୀଜଣକ କୌଣସି ଥାନାରେ ଅଭିଯୋଗ କରିନାହାନ୍ତି । ଭାଇରାଲ ଭିଡିଓକୁ ଆଧାର କରି ଅଭିଯୁକ୍ତମାନଙ୍କୁ ଗିରଫ କରାଯାଇଛି । "
ଅଭିଯୁକ୍ତମାନେ ଦୋଷ ସ୍ବୀକାର କରିଛନ୍ତି: ଏହି ଘଟଣାରେ ଜଣେ ନାବାଳକ ସମେତ ମୋଟ ୩ ଜଣଙ୍କୁ ଗିରଫ କରାଯାଇଥିବା ନେଇ ଦିଲ୍ଲୀ ପୋଲିସ ପକ୍ଷରୁ କୁହାଯାଇଛି । ସମସ୍ତ ଅଭିଯୁକ୍ତମାନେ ନିଜ ଦୋଷ ସ୍ବୀକାର କରଛନ୍ତି । ଗିରଫ ହୋଇଥିବା ୩ ଜଣ ପାହାଡଗଞ୍ଜ ଅଞ୍ଚଳର ବୋଲି କହିଛି ଦିଲ୍ଲୀ ପୋଲିସ ।
ରଙ୍ଗୀନ ହୋଲି ଲୋକଙ୍କ ଜୀବନରେ ଖୁସି ଆଣିଥାଏ । ହୋଲି ଅବସରରେ ପରସ୍ପରକୁ ରଙ୍ଗ ଲଗାଇ ସମସ୍ତେ ଦିନକୁ ସ୍ମରଣୀୟ କରିଥାନ୍ତି । କିନ୍ତୁ ଏମିତି କିଛି ଲୋକ ଅଛନ୍ତି ଯେଉଁମାନେ ହୋଲି ବାହାନାରେ ମହିଳାଙ୍କୁ ଅସଦାଚରଣ କରିଥାନ୍ତି । ଭାଇରାଲ ହେଉଥିବା ଭିଡିଓରେ ଠିକ ଅନୁରୂପ ଘଟଣା ଘଟିଛି । ଜଣେ ଜାପାନୀ ପର୍ଯ୍ୟଟକ ବୁଲିବା ପାଇଁ ଦିଲ୍ଲୀ ଆସିଥିବା ବେଳେ ହୋଲି ଦିନ କିଛି ଯୁବକ ଜୋରଜବରଦସ୍ତ ହୋଲି ଲଗାଇବା ସହ ମୁଣ୍ଡରେ ଅଣ୍ଡା ଫଟାଇଥିଲେ । ଯୁବତୀଜଣଙ୍କ ମନା କରିବା ସତ୍ତ୍ବେ ର୍ଦୁବ୍ୟବହାର କରିଥିଲେ ।
ଏହି ପ୍ରସଙ୍ଗରେ ସେଣ୍ଟ୍ରାଲ ଡିସିପି କହିଛନ୍ତି, "ଭିଡିଓ ଭାଇରାଲ ହେବା ପରେ ଜାପାନ ଦୂତବାସ ସହ ଯୋଗାଯୋଗ କରାଯାଇଥିଲା । କିନ୍ତୁ ଏଭଳି କୈଣସି ଅଭିଯୋଗ ହୋଇନଥିବା ସେମାନେ କହିଥିଲେ । ଏହାପରେ ଆମେ ଭିଡିଓକୁ ଆଧାର କରି ୩ ଜଣଙ୍କୁ ଗିରଫ କରିଛୁ । ସେମାନଙ୍କ ମଧ୍ୟରେ ଜଣେ ନାବାଳକ ରହିଛି ।"
ଭାଇରାଲ ହୋଇଥିବା ଭିଡିଓରେ ଦେଖାଯାଇଛି ଯେ, ଜାପାନୀ ପର୍ଯ୍ୟଟକ ଜଣକ ମନା କରିବା ସତ୍ତ୍ବେ ମଧ୍ୟ ୩ ଜଣ ଯୁବକ ହାପି ହୋଲି ବୋଲି ରଙ୍ଗ ବୋଳିବା ସହ ର୍ଦୁବ୍ୟବହାର କରିଛନ୍ତି । ସେହି ସମୟରେ ଜଣେ ଯୁବତୀଙ୍କ ମୁଣ୍ଡରେ ଅଣ୍ଡା ମଧ୍ୟ ଫଟାଇ ଦେଇଛି । ଯୁବତୀଜଣକ ବାଏ, ବାଏ ବୋଲି ଚିତ୍କାର ମଧ୍ୟ କରୁଛନ୍ତି । କିନ୍ତୁ ସେମାନେ ହାପି ହୋଲି ବୋଲି ରଙ୍ଗ ବୋଳିବା ସହ ମୁଣ୍ଡରେ ଫୋମ ସ୍ପ୍ରେ କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
