ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ ଆରମ୍ଭ ହୋଇଛି ଅନଲକ ପ୍ରକ୍ରିୟା । ଆସନ୍ତାକାଲିଠୁ ଖୋଲିବ ଦିଲ୍ଲୀର ସମସ୍ତ ଜିମ ସହ ଯୋଗ କେନ୍ଦ୍ର । 50 ପ୍ରତିଶତ କର୍ମଚାରୀଙ୍କୁ ନେଇ ଖୋଲିବ ଯୋଗ କେନ୍ଦ୍ର । ସେହିପରି 50 ପ୍ରତିଶତ ଲୋକଙ୍କୁ ନେଇ ବିବାହ କାର୍ଯ୍ୟ କରିବାକୁ ଅନୁମତି ଦେଇଛନ୍ତି ଆପ ମୁଖ୍ୟ । ଏନେଇ ଦିଲ୍ଲୀ ଡିଜାଷ୍ଟର ମ୍ୟାନେଜମେଣ୍ଟ ଅଥୋରିଟିଙ୍କ ପକ୍ଷରୁ ସୂଚନା ମିଳିଛି ।
ତେବେ, ଏହା ଜୁଲାଇ 5 ସକାଳ 5 ଟା ପର୍ଯ୍ୟନ୍ତ କଟକଣା ବଳବତ୍ତର ରହିବ । ଦ୍ବିତୀୟ ଲହରରେ ରାଜଧାନୀରେ ସଂକ୍ରମଣ ଅଧିକ ବ୍ୟାପିବାରୁ ଏପ୍ରିଲ 19ରୁ ସାଂସ୍କୃତିକ କାର୍ଯ୍ୟକ୍ରମ ସହ ଜିମ ସେଣ୍ଟର ବନ୍ଦ ହୋଇଯାଇଥିଲା । ମେ ମାସରେ କେବଳ 20 ଜଣଙ୍କୁ ନେଇ ବିବାହ କର୍ଯ୍ୟ କରିବାକୁ ଅନୁମତି ଦେଇଥିଲେ ସରକାର ।
