Attacks in Israel: ଆକ୍ରମଣକୁ ପ୍ରଧାନମନ୍ତ୍ରୀଙ୍କ ନିନ୍ଦା, କହିଲେ ଇସ୍ରାଏଲ ସହ ଛିଡା ହୋଇଛି ଭାରତ

ଇସ୍ରାଏଲ ଉପରେ ଆକ୍ରମଣକୁ ନିନ୍ଦା କଲେ ପ୍ରଧାନମନ୍ତ୍ରୀ ମୋଦି । କହିଲେ ଏପରି କଠିନ ସମୟରେ ଭାରତ ଇସ୍ରାଏଲ ସହ ଛିଡା ହୋଇଛି । ଅଧିକ ପଢନ୍ତୁ

ନୂଆଦିଲ୍ଲୀ: ଇସ୍ରାଏଲ ଉପରେ ପାଲେଷ୍ଟାଇନ୍‌ ଆତଙ୍କବାଦୀଙ୍କ ପ୍ରଚଣ୍ଡ ଆକ୍ରମଣକୁ ନିନ୍ଦା କରିବା ସହ ଦୁଃଖ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଆକ୍ରମଣ ତାଙ୍କୁ ଗଭୀର ଭାବେ ଆଶ୍ଚର୍ଯ୍ୟ ଚକିତ କରିଛି । ଏପରି କଠିନ ସମୟରେ ଇସ୍ରାଏଲ ସହ ଭାରତ ଛିଡା ହୋଇଛି । ଆକ୍ରମଣରେ କ୍ଷତିଗ୍ରସ୍ତ ହୋଇଥିବା ନୀରିହ ପୀଡିତ ଓ ତାଙ୍କ ପରିବାର ପ୍ରତି ସମବେଦନ ଜଣାଇବା ସହ ଭାରତ ଏପରି କଠିନ ସମୟରେ ଇସ୍ରାଏଲ ସହ ଛିଡା ହୋଇଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।

• Deeply shocked by the news of terrorist attacks in Israel. Our thoughts and prayers are with the innocent victims and their families. We stand in solidarity with Israel at this difficult hour.

  — Narendra Modi (@narendramodi) October 7, 2023 " class="align-text-top noRightClick twitterSection" data="

  Deeply shocked by the news of terrorist attacks in Israel. Our thoughts and prayers are with the innocent victims and their families. We stand in solidarity with Israel at this difficult hour.

  — Narendra Modi (@narendramodi) October 7, 2023

  ">

  Deeply shocked by the news of terrorist attacks in Israel. Our thoughts and prayers are with the innocent victims and their families. We stand in solidarity with Israel at this difficult hour.

  — Narendra Modi (@narendramodi) October 7, 2023

ଏହି ଆକ୍ରମଣକୁ ଏକ ଆତଙ୍କୀ ଆକ୍ରମଣ ବୋଲି କହିଛନ୍ତି ପ୍ରଧାନମନ୍ତ୍ରୀ । ଏକ୍ସରେ ଟ୍ବିଟ୍‌ କରି ମୋଦି ଲେଖିଛନ୍ତି, ‘‘ଇସ୍ରାଏଲ ଉପରେ ଆତଙ୍କବାଦୀ ଆକ୍ରମଣରେ ମୁଁ ଗଭୀର ଭାବେ ଆଶ୍ଚର୍ଯ୍ୟ ଚକିତ । ଆକ୍ରମଣରେ କ୍ଷତିଗ୍ରସ୍ତ ପୀଡିତ ଓ ତାଙ୍କ ପରିବାର ସଦସ୍ୟଙ୍କ ପ୍ରତି ଆମର ସମବେଦନା ଓ ପ୍ରାର୍ଥନା ରହିଛି । ଏପରି କଠିନ ସମୟରେ ଇସ୍ରାଏଲ ସହ ଭାରତ ଛିଡା ହୋଇଛି ।’’

ଆଜି ସକାଳୁ ଗାଜା ଷ୍ଟ୍ରିପରୁ ପାଲେଷ୍ଟାଇନ୍‌ ଆତଙ୍କବାଦୀମାନେ ଇସ୍ରାଏଲ ଉପରେ ୫ ହଜାରରୁ ଅଧିକ କ୍ଷେପଣାସ୍ତ୍ର ମାଡ କରିଥିଲେ । ଏଥିରେ ଏବେ ସୁଦ୍ଧା ୨୫ ଜଣ ଇସ୍ରାଏଲ ନାଗରିକଙ୍କ ମୃତ୍ୟୁ ହେବା ସହ ୫ଶହରୁ ଅଧିକ ଆହତ ହୋଇ ବିଭିନ୍ନ ହସ୍ପିଟାଲରେ ଭର୍ତ୍ତି ହୋଇଛନ୍ତି । ସହରରେ କ୍ଷତିଗ୍ରସ୍ତ ଅଞ୍ଚଳରେ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି । ଅନ୍ୟପଟେ ଇସ୍ରାଏଲର ଯୁଦ୍ଧ ଘୋଷଣା ସତ୍ତ୍ବେ ମଧ୍ୟ ପାଲେଷ୍ଟାଇନ୍‌ ଆତଙ୍କବାଦୀମାନେ କିଛି ଇସ୍ରାଏଲୀ ସହରରେ ପ୍ରବେଶ କରି ଗୁଳିମାଡ କରିଥିବା ସୂଚନା ସାମ୍ନାକୁ ଆସିବାରେ ଲାଗିଛି । କିଛି ଇସ୍ରାଏଲୀ ନାଗରିକଙ୍କୁ ଆତଙ୍କବାଦୀମାନେ ଅପହରଣ ମଧ୍ୟ କରିନେଇଥିବା ଭିଡିଓ ସୋସିଆଲ ମିଡିଆରେ ଘୁରି ବୁଲୁଛି ।

ଗୋଟିଏ ପଟେ କ୍ଷତିଗ୍ରସ୍ତ ଅଞ୍ଚଳରେ ଉଦ୍ଧାର ଅପରେସନ ସହ ପାଲଟା ଆକ୍ରମଣ ମଧ୍ୟ ଜାରି ରଖିଛି ଇସ୍ରାଏଲ ସେନା । ସମଗ୍ର ଦେଶରେ ଜରୁରୀ ସ୍ଥିତି ଘୋଷଣା ହୋଇଛି । ପ୍ରଧାନମନ୍ତ୍ରୀ ନେତାନ୍ୟାହୁ ଆକ୍ରମଣକାରୀଙ୍କୁ ଚରମ ଚେତାବନୀ ଦେଇସାରିଛନ୍ତି । ଆକ୍ରମଣକାରୀଙ୍କୁ ବହୁମୂଲ୍ୟ ଦେବାକୁ ପଡିବ । ଇସ୍ରାଏଲ କୌଣସି ସାମରିକ ଅପରେସନ ନୁହେଁ ବରଂ ଯୁଦ୍ଧ ଆରମ୍ଭ କରିସାରିଛି । ଏଥିରେ ଇସ୍ରାଏଲ ବିଜୟୀ ହେବା ନେଇ ନେତାନ୍ୟାହୁ କହିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ