ରାୟପୁର: ଛତିଶଗଡ଼ର କୋରବାରେ ଏକ ଅଜବ ଘଟଣା ଘଟିଛି । ସିଲ୍ ହୋଇଥିବା ଦେଶୀ ମଦ ବୋତଲରେ ମୃତ ବେଙ୍ଗ ଦେଖିବାକୁ ମିଳିଥିଲା । ଏନେଇ ମଦ ଦୋକାନ ମ୍ୟାନେଜର ଏବଂ ଗ୍ରାହକଙ୍କ ମଧ୍ୟରେ ଯୁକ୍ତି ତର୍କ ଦେଖିବାକୁ ମିଳିଥିଲା । ଯାହା ଫଳରେ ଉତ୍ତେଜନା ସୃଷ୍ଟି ହୋଇଥିଲା । ଜଣେ ବ୍ୟକ୍ତି କୋରବା ସ୍ଥିତ ହରଦିବଜାରର ଏକ ଦେଶୀ ମଦ ଦୋକାନକୁ ଯାଇଥିଲେ । ସେଠାରୁ ଗୋଟିଏ ବୋତଲ ମଦ କିଣିଥିଲେ । କିନ୍ତୁ ସିଲ ହୋଇଥିବା ବୋତଲରେ ଏକ ମୃତ ବେଙ୍ଗ ଭାସୁଥିବାରୁ ଦେଖିବାକୁ ପାଇଥିଲେ ।
ଏହାପରେ ସେ ଫେରାଇବା ପାଇଁ ଦୋକାନକୁ ଯାଇ ମ୍ୟାନେଜରଙ୍କ ସହ ଯୁକ୍ତିତର୍କ କରିଥିଲେ । ଆଖପାଖରେ ଥିବା ଲୋକେ ମଦ ବୋତଲ ଭିତରେ ମୃତ ବେଙ୍ଗ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ଏଥିସହ ମଦର ଗୁଣବତ୍ତା ଉପରେ ପ୍ରଶ୍ନ ଉଠାଇଥିଲେ । ଯାହାଦ୍ବାରା ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା । ଏହାପରେ ମଦ ବିକ୍ରେତା ଅନ୍ୟ ଏକ ନୂତନ ବୋତଲ ଦେବା ପରେ ସ୍ଥିତି ନିୟନ୍ତ୍ରଣ ହୋଇଥିଲା ।
ଏହା ମଧ୍ୟ ପଢ଼ନ୍ତୁ: ପୁରୁଣା ଅବକାରୀ ନୀତିରେ ଦିଲ୍ଲୀରେ ଆରମ୍ଭ ହେଲା ମଦ ବିକ୍ରୀ
ଏନେଇ ମଦ ମ୍ୟାନେଜର ଜଣକ କହିଛନ୍ତି, "ଜଣେ ବ୍ୟକ୍ତି 3 କ୍ବାର୍ଟର ମଦ ବୋତଲ କିଣିଥିଲେ । ସେଥିରୁ ଗୋଟିଏ ବୋତଲରେ ମୃତ ବେଙ୍ଗ ପଡ଼ିଥିଲା । ଏହାକୁ ବଦଳାଇ ମୁଁ ଅନ୍ୟ ବୋତଲ ଦେଇଛି । ଯଦି ଆପଣ ପଚାରିବେ ମଦ ବୋତଲ ଭିତରେ ମୃତ ବେଙ୍ଗ କେଉଁଠୁ ଆସିଲା, ତାହା ମୁଁ ଜାଣିନାହିଁ ।" ତେବେ ଏଭଳି ଘଟଣା ପ୍ରଥମ ଥର ନୁହେଁ । ପୂର୍ବରୁ ମଧ୍ୟ ମଦ ବୋତଲରେ ଅପଦ୍ରବ ପଡିଥିବା ସୂଚନା ରହିଛି ।
