ନୂଆଦିଲ୍ଲୀ: ଏଣିକି ଘରୋଇ ହସ୍ପିଟାଲରେ ଉପଲବ୍ଧ ହେବାକୁ ଯାଉଛି କୋରୋନା ଟିକା । ଏନେଇ ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର । କୋଭିଡ-19 ଟୀକାକରଣ କେନ୍ଦ୍ର ଭାବରେ କାର୍ଯ୍ୟ କରୁଥିବା ଘରୋଇ ଡାକ୍ତରଖାନା ଗୁଡ଼ିକରେ ଏହି ଟିକା ସାଧାରଣ ଜନତାଙ୍କ ପାଇଁ ଏବେ ଉପଲବ୍ଧ ହେବ । ଏନେଇ ପ୍ରତି ଡୋଜର ନିର୍ଦ୍ଦିଷ୍ଟ ମୂଲ୍ୟ ମଧ୍ୟ ସ୍ଥିର କରାଯାଇଛି । ପ୍ରତି ଡୋଜ ପିଛା ମୂଲ୍ୟ 250 ଟଙ୍କା ରଖିବା ସ୍ଥିର କରିଛନ୍ତି କେନ୍ଦ୍ର ସରକାର । ସେହିପରି ଦୁଇଟି ଡୋଜର ସର୍ବାଧିକ ମୂଲ୍ୟ 500 ଦେବାକୁ ପଡିବ।
ସେହିପରି ଘରୋଇ ହସ୍ପିଟାଲରେ ସର୍ଭିସ ଚାର୍ଜ ସମେତ ଏହାର ସର୍ବାଧିକ ମୂଲ୍ୟ 250 ଟଙ୍କା ରଖାଯାଉଇଛି । ସରକାରୀ ସ୍ବାସ୍ଥ୍ୟ କେନ୍ଦ୍ରରେ ଏହାକୁ ଦେୟମୁକ୍ତ ଭାବେ ଯୋଗାଇବାକୁ ସ୍ଥିର କରିଛନ୍ତି କେନ୍ଦ୍ର ସରକାର ।
ବ୍ୟୁରୋ ରିପୋର୍ଟ, ଇଟିଭି ଭାରତ
