ନୂଆଦିଲ୍ଲୀ: ପୁଣିଥରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ । ବୁଧବାର ସେ ବିଜେପି ସରକାରକୁ ଟାର୍ଗେଟ କରିବା ସହ ବର୍ତ୍ତମାନ ସମୟରେ ବେକାରୀ ସବୁଠୁ ଶିଖରରେ ପହଞ୍ଚିଥିବା ସେ ଟ୍ବିଟ୍ କରି କହିଛନ୍ତି ।
ଏହାସହ ବ୍ୟାଙ୍କ ଗୁଡିକ ଅସୁବିଧାରେ ଥିବାବେଳେ ଜିଡିପି ମଧ୍ୟ ରହିଛି । ଏଭଳି ଆଗରୁ କେବେ ବି ଦରଦାମ ବୃଦ୍ଧି ହୋଇନଥିବା ସେ କହିଛନ୍ତି । ସେହିପରି ଜନତାଙ୍କ ମନୋବଳ ଭାଙ୍ଗି ଯାଉଥିବାବେଳେ ପ୍ରତିଦିନ ସାମାଜିକ ନ୍ୟାୟ ଦୁର୍ବଳ ହୋଇ ପଡୁଛି । ଏହା ବିକାଶ ନା ବିନାଶ ବୋଲି କହି କେନ୍ଦ୍ରକୁ ଟାର୍ଗେଟ କରିଛନ୍ତି ରାହୁଲ ।
ସେ ଟ୍ବିଟ୍ କରି ଲେଖିଛନ୍ତି,‘ବ୍ୟାଙ୍କ ଗୁଡିକ ଅସୁବିଧାରେ ଥିବାବେଳେ ଜିଡିପି ମଧ୍ୟ ରହିଛି । ଦରଦାମ ଏଭଳି କେବେ ବି ବୃଦ୍ଧି ହୋଇନାହିଁ । ମନୋବଳ ଭାଙ୍ଗି ଯାଉଥିବାବେଳେ ପ୍ରତିଦିନ ସାମାଜିକ ନ୍ୟାୟ ଦୁର୍ବଳ ହୋଇ ପଡୁଛି । ଏହା ବିକାଶ ନା ବିନାଶ ?’
ସୂଚନା ଥାଉକି, କିଛି ମାସ ଧରି ଲଗାତାର କେନ୍ଦ୍ରକୁ ଟାର୍ଗେଟ କରିଚାଲିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ବିଭିନ୍ନ ପ୍ରସଙ୍ଗରେ ସେ ମୋଦି ସରକାରଙ୍କୁ ଘେରୁଛନ୍ତି । କୋରୋନା ସଙ୍କଟ ସମୟରେ ସଠିକ୍ ଭାବେ ପରିଚାଳନା ନ କରିପାରିବାଠୁ ଆରମ୍ଭ କରି ଅର୍ଥନୈତିକ ସଙ୍କଟ, ବେକାରୀ ଆଦି ସମସ୍ୟାକୁ ଉଠାଇ ସରକାରଙ୍କୁ ଘେରୁଛନ୍ତି ।
@ANI
