ଶ୍ରୀନଗର: ପୁଣି ଭାରତ ସୀମାରେ ଉଡିଲା ପାକିସ୍ତାନୀ ଡ୍ରୋନ । ଜମ୍ମୁକାଶ୍ମୀରର ଆରଏସ୍ ପୁରାର ଆର୍ରିନିଆ ଅଞ୍ଚଳରେ ଆଜି ସକାଳ ୪ଟା ୪୫ ମିନିଟରେ ଏକ ପାକିସ୍ତାନୀ ଡ୍ରୋନ ଉଡିଥିବା ଦେଖିବାକୁ ମିଳିଥିଲା । ଏହାପରେ ସୁରକ୍ଷାବାହୀନି ଗୁଳିଚାଳନା କରିବାରୁ ଡ୍ରୋନଟି ଫେରିଯାଇଥିଲା । ଏନେଇ ଜଣେ ବିଏସଏଫ ଅଧିକାରୀ କହିଛନ୍ତି ଯେ, "ଆଜି ସକାଳ ସମୟରେ ଆର୍ରିନିଆ ଅଞ୍ଚଳରେ ଏକ ଡ୍ରୋନ ଉଡୁଥିବା ଦେଖି ମିଳିଥିଲା । ଏହାପରେ ସୁରକ୍ଷାକର୍ମୀ ୭ରୁ ୮ ରାଉଣ୍ଡ ଗୁଳି ଚଳାଇବା ପରେ ଡ୍ରୋନଟି ସୀମାରୁ ଫେରିଯାଇଥିଲା ।"
ଏହା ପୂର୍ବରୁ ମେ ୭ରେ ପାକିସ୍ତାନରୁ ଭାରତ ସୀମାରେ ପ୍ରବେଶ କରୁଥିବା ଏକ ଡ୍ରୋନକୁ ବିଏସଏଫ ଦ୍ୱାରା ଠାବ କରାଯାଇ ଗୁଳି ଚଳାଇ କରାଯାଇଥିଲା ।
