ଥୀରୁଅନନ୍ତପୁରମ୍: ପୋଷା କୁକୁରକୁ ଗାଡି ପଛରେ ବାନ୍ଧି ଗିରଫ ହେଲେ ଯୁବକ । କେରଳର ଏର୍ଣ୍ଣାକୁଲମ ଜିଲ୍ଲାରେ ଜଣେ ଯୁବକ ନିଜ କାର ପଛରେ ପୋଷା କୁକୁରକୁ ବାନ୍ଧି ଘୋଷାଡି ଘୋଷାଡି ନେଉଥିବା ବେଳେ ପୋଲିସ ତାଙ୍କୁ ଗିରଫ କରିଛି ।
ସୂଚନା ଅନୁଯାୟୀ, ୟୁଶୁଫ ନାମକ ଯୁବକ ନିଜ କାରରେ କୁକୁରଟି ନେଇ ଯାଉଥିଲେ । ରାସ୍ତାରେ ଯିବାବେଳେ କୁକୁରଟି ସାଥିରେ ଥିବାରୁ ୟୁଶୁଫଙ୍କୁ ବୁଲାବୁଲି କରିବାରେ ସମସ୍ୟା ହେଉଥିଲା । ଏଣୁ ସେ କୁକୁରଟିକୁ ଜଙ୍ଗଲରେ ଛାଡି ଦେବାପାଇଁ ନିଷ୍ପତ୍ତି ନେଇଥିଲେ ।
ଏହାପରେ ସେ କୁକୁରକୁ ଏକ ବେଲ୍ଟରେ ଗାଡି ପଛପଟେ ବାନ୍ଧି ଘୋଡି ଘୋଷାଡି ଜଙ୍ଗଲକୁ ଛାଡିବାକୁ ନେଉଥିଲେ । ଏହିସବୁ ଦୃଶ୍ୟକୁ ଅଖିଲ ନାମକ ଜଣେ ଯୁବକ ନିଜ ମୋବାଇଲ ଫୋନରେ ଭିଡିଓ କରିଥିଲେ ।
ଭିଡିଓଟିକୁ ଅଖିଲ ସୋସିଆଲ ମିଡିଆରେ ଭାଇରାଲ କରିବା ପରେ ଭିଡିଓ ଆଧାରରେ ପୋଲିସ ୟୁଶୁଫକୁ ଗିରଫ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
