ରାୟପୁର: ଛତିଶଗଡରେ କୋରୋନାର କରାଳ ରୂପ। ସରକାରୀ ହସ୍ପିଟାଲରୁ ଆସିଲା ଚକିତ କଲା ଭଳି ଭିଡିଓ। ରାଜ୍ୟରେ କୋରୋନାର ଦ୍ବିତୀୟ ଲହରି ଭୟଙ୍କର ଭାବେ ମାଡିବାରେ ଲାଗିଛି । ମୃତ୍ୟୁ ସଂଖ୍ୟା ଲାଗୁନି ବ୍ରେକ। ଫଳରେ ଶବ ଗୃହ ଭର୍ତ୍ତି ହୋଇଯିବାରୁ ହସ୍ପିଟାଲ ବାରଣ୍ଡା ଓ ବାହାରେ ପଡି ରହିଛି କୁଢ କୁଢ ମୃତଦେହ ।
ପ୍ଲାଷ୍ଟିକ ଜରିରେ ଗୁଡା ହୋଇ ମୃତଦେହଗୁଡିକୁ ରଖାଯାଇଛି । କେଉଁଠି ତଳେ ପଡିଛି ତ ଆଉ କେଉଁଠି ଷ୍ଟ୍ରେଚର ଉପରେ ଥୁଆ ହୋଇଛି । ଏହି ଦୃଶ୍ୟଟି ଭୀମ ରାଓ ଆମ୍ବେଦକର ମେମୋରିଆଲ ସରକାରୀ ହସ୍ପିଟାଲ ହୋଇଥିବାବେଳେ ସୋମବାର ଭିଡିଓ ଉତ୍ତୋଳନ କରାଯାଇଛି ।
ରାଜ୍ୟରେ ଦୈନିକ କୋରୋନାରେ ଶତାଧିକ ବ୍ୟକ୍ତିଙ୍କ ମୃତ୍ୟୁ ହେଉଛି । ଅବିଶ୍ରାନ୍ତ ଜଳୁଛି କୋରୋନା ମୃତକଙ୍କ ଜୁଇ । ସେପଟେ, ହସ୍ପିଟାଲ କର୍ମଚାରୀ ସମସ୍ତ ସୁରକ୍ଷା ସହ ମୃତଦେହଗୁଡିକର ସତ୍କାର କରୁଛନ୍ତି ।
ଛତିଶଗଡରେ କୋରୋନା ସଂକ୍ରମଣ ତୀବ୍ର ଗତିରେ ବ୍ୟାପିବାରେ ଲାଗିଛି । ମଙ୍ଗଳବାର ରାଜ୍ୟରୁ 15 ହଜାରରୁ ଅଧିକ ସଂକ୍ରମିତ ମାମଲା ଚିହ୍ନଟ ହୋଇଥିଲେ । 109 ଜଣଙ୍କ ଆକ୍ରାନ୍ତ ଜୀବନ ଯାଇଥିଲା । ବର୍ତ୍ତମାନ ସୁଦ୍ଧା ରାଜ୍ୟରେ ମୋଟ ସଂକ୍ରମିତ ସଂଖ୍ୟା 1 ଲକ୍ଷ 09 ହଜାର 139 ରେ ପହଞ୍ଚିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
