ନୂଆଦିଲ୍ଲୀ: ଦେଶର 19ଟି ରାଜ୍ୟର 19ଟି ରାଜ୍ୟସଭା ସିଟ୍ ପାଇଁ ନିର୍ବାଚନ ଶୁକ୍ରବାର ଅନୁଷ୍ଠିତ ହୋଇଥିଲା। ସମସ୍ତ 19ଟି ଆସନର ଫଳାଫଳ ପ୍ରକାଶ ପାଇଛି। ଗୁଜୁରାଟ, ମଧ୍ୟପ୍ରଦେଶ, ରାଜସ୍ଥାନ ଭଳି ରାଜ୍ୟରେ ବିଜେପି ଓ କଂଗ୍ରେସ ମଧ୍ୟରେ କଡା ପ୍ରତିଯୋଗିତା ହୋଇଥିଲା। ତେବେ ଫଳାଫଳ ବିଷୟରେ ଦେଖିବାକୁ ଗଲେ ବିଜେପିକୁ 8ଟି ଆସନ, କଂଗ୍ରେସକୁ 4ଟି ଆସନ ଓ ଆନ୍ଧ୍ରପ୍ରଦେଶର ଶାସକ ୟାଇଏସଆରସିପି ଚାରିଟି ରାଜ୍ୟସଭା ଆସନ ଜିତିଛି।
ଫଳାଫଳ ଘୋଷଣା କରୁଥିବାବେଳେ ବିଧାନସଭା ସଚିବ ତଥା ରିଟର୍ଣ୍ଣିଂ ଅଫିସର ପି ବାଲକ୍ରିଷ୍ଣାଚାର୍ଯ୍ୟ କହିଛନ୍ତି ଯେ ଚାରିଜଣ ବିଜେତା ୟାଇଏସଆରସିପି ପ୍ରାର୍ଥୀ ପ୍ରତ୍ୟେକ 38 ଟି ଭୋଟ୍ ପାଇଛନ୍ତି। ଏହି ନିର୍ବାଚନ ଦୌଡରେ 5 ଜଣ ପ୍ରାର୍ଥୀ ଥିଲେ, ସେଥିରୁ ୟାଇଏସଆରସିପିର 4 ପ୍ରାର୍ଥୀ ଜିତିଛନ୍ତି ଏବଂ ପ୍ରତ୍ୟେକ 38 ଟି ଭୋଟ୍ ପାଇଛନ୍ତି। 175 ଟି ଭୋଟ୍ ମଧ୍ୟରୁ ଚାରିଟି ଭୋଟ୍ ଅବୈଧ ଘୋଷିତ ହୋଇଥିଲା, 2 ଜଣ ଅନୁପସ୍ଥିତ ଥିଲେ, 169 ଟି ଭୋଟ୍ ବୈଧତା ରହିଛି।" ବୋଲି ବାଲକ୍ରିଷ୍ଣାଚାର୍ଯ୍ୟ କହିଛନ୍ତି।
ସେ ଆହୁରି ମଧ୍ୟ କହିଛନ୍ତି, YSRCPର ସମସ୍ତ ଚାରିଜଣ ପ୍ରାର୍ଥୀ ରାଜ୍ୟସଭା ନିର୍ବାଚନରେ ଜିତିଥିଲେ - ଆଲା ଅଯୋଧ୍ୟା ରାମି ରେଡ୍ଡୀ, ପାରମଲ ନାଟୱାନି, ପିଲି ସୁଭାଷ ଚନ୍ଦ୍ର ବୋଷ। ପ୍ରତ୍ୟେକ 38 ଟି ଭୋଟ୍ ପାଇଛନ୍ତି।
ଟିଡିପି ପ୍ରାର୍ଥୀ ଭର୍ଲା ରାମାୟା 17 ଟି ଭୋଟ୍ ପାଇଛନ୍ତି। ଶୁକ୍ରବାର ଦିନ ଖାଲିଥିବା ରାଜ୍ୟସଭା ଆସନ ପାଇଁ ମତଦାନ ଅନୁଷ୍ଠିତ ହୋଇଥିଲା। ମାର୍ଚ୍ଚ 26 ରେ ହେବାକୁ ଥିବା ମତଦାନଗୁଡିକ କୋଭିଡ୍ 19 ବିସ୍ତାର ପାଇଁ ସ୍ଥଗିତ ରଖାଯାଇଥିଲା।
