ଲକ୍ଷ୍ନୌ: ଉତ୍ତରପ୍ରଦେଶରେ ପ୍ରସ୍ତାବିତ ତ୍ରୀସ୍ତରୀୟ ପଞ୍ଚାୟତ ନିର୍ବାଚନ ମାଧ୍ୟମରେ ଜନସଂଖ୍ୟା ନିୟନ୍ତ୍ରଣକୁ ପ୍ରୋତ୍ସାହିତ କରିବା ପାଇଁ ଯୋଜନା ପ୍ରସ୍ତୁତ କରାଯାଉଛି। ଏଥିପାଇଁ ସରକାର ଦୁଇରୁ ଅଧିକ ପିଲା ଥିବା ବ୍ୟକ୍ତିଙ୍କୁ ନିର୍ବାଚନରେ ଭାଗ ନେବାକୁ ଅଯୋଗ୍ୟ ଘୋଷଣା କରିପାରିନ୍ତି । ଜନସଂଖ୍ୟା ନିୟନ୍ତ୍ରଣକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଯୋଗୀ ସରକାର ଏହି ନିର୍ବାଚନରେ କିଛି ବଡ଼ ପରିବର୍ତ୍ତନ ଆଣିବେ ବୋଲି ସୂତ୍ରରୁ ଜଣାପଡିଛି ।
ସୂଚନାନୁସାରେ, ମହିଳା କିମ୍ବା ପୁରୁଷ ପ୍ରାର୍ଥୀ, ଯେଉଁମାନଙ୍କର 2ରୁ ଅଧିକ ସନ୍ତାନ ଅଛନ୍ତି, ସେମାନଙ୍କୁ ନିର୍ବାଚନରେ ପ୍ରତିଦ୍ବନ୍ଦିତା କରିବାକୁ ଅଯୋଗ୍ୟ ଘୋଷଣା କରିପାରନ୍ତି । ଏଥିପାଇଁ ଯୋଗୀ ସରକାର ଖୁବ ଶୀଘ୍ର ମନ୍ତ୍ରିମଣ୍ଡଳରେ ଏକ ପ୍ରସ୍ତାବ ଆଣିବେ, ଯେଉଁଥିରେ ଦୁଇରୁ ଅଧିକ ପିଲା ଥିବା ପ୍ରାର୍ଥୀଙ୍କୁ ନିର୍ବାଚନରେ ପ୍ରତିଦ୍ବନ୍ଦିତା ନକରିବା ଏବଂ ସେମାନଙ୍କ ଶିକ୍ଷାଗତ ଯୋଗ୍ୟତା ମଧ୍ୟ ସ୍ଥିର କରାଯାଇପାରେ।
ମହାମାରୀ କୋରୋନା କାରଣରୁ ଉତ୍ତରପ୍ରଦେଶରେ ପ୍ରସ୍ତାବିତ ତ୍ରୀସ୍ତରୀୟ ପଞ୍ଚାୟତ ନିର୍ବାଚନକୁ 6 ମାସ ବୃଦ୍ଧି କରାଯିବା ସହ ଯୋଗୀ ସରକାର ବର୍ତ୍ତମାନ ଦୁଇରୁ ଅଧିକ ପିଲା ଥିଲେ ପଞ୍ଚାୟତ ନିର୍ବାଚନରେ ପ୍ରତିଦ୍ବନ୍ଦିତା ଉପରେ ପ୍ରତିବନ୍ଧକ ଲଗାଇବାକୁ ଚିନ୍ତା କରୁଛନ୍ତି। ପଞ୍ଚାୟତ ନିର୍ବାଚନ ଅଧୀନରେ ଗ୍ରାମ ପଞ୍ଚାୟତ, କ୍ଷେତ ପଞ୍ଚାୟତ ଏବଂ ଜିଲ୍ଲା ପଞ୍ଚାୟତ ନିର୍ବାଚନରେ ମହିଳା ଏବଂ ପୁରୁଷ ପ୍ରାର୍ଥୀ ଏବଂ ଦୁଇରୁ ଅଧିକ ପିଲାଙ୍କ ଅଂଶଗ୍ରହଣକୁ ବାରଣ କରିବାକୁ ପଞ୍ଚାୟତ ବିଭାଗ ପକ୍ଷରୁ ସମସ୍ତ ପ୍ରସ୍ତୁତି ଚାଲିଛି। ବର୍ତ୍ତମାନ ମୁଖ୍ୟମନ୍ତ୍ରୀଙ୍କ ଅନୁମୋଦନ ପରେ କ୍ୟାବିନେଟ ସ୍ତରରୁ ଏହି ସଙ୍କଳ୍ପ ପାରିତ ହେବା ନେଇ ଚର୍ଚ୍ଚା ହେଉଛି।
