କୋଲକାତା: ରାଜନୀତିରେ ଚାଲିଛି ମହାଲଢେଇ । ବିଜେପି ଓ ଟିଏମସି ହେବେ ମୁହାଁମୁହିଁ । ପଶ୍ଚିମବଙ୍ଗରେ ଆସନ୍ତା ବିଧାନସଭା ନିର୍ବାଚନ ପାଇଁ ଏବେଠାରୁ ଅଣ୍ଟା ଭିଡୁଛନ୍ତି ଉଭୟ ଦଳ । ଏବେ ଟିଏମସିକୁ ହରାଇବା ସତେଯେପରି ବିଜେପି ପାଇଁ ଚ୍ୟାଲେଞ୍ଜ ହୋଇଛି । ଏପରି କ୍ଷେତ୍ରରେ ବିଜେପିର ଜାତୀୟ ସାଧାରଣ ସମ୍ପାଦକ ରାମ ମାଧବ ଏକ ସାମ୍ବାଦିକ ସମ୍ମିଳନୀ କରି ମମତା ସରକାରକୁ ଟାର୍ଗେଟ କରିଛନ୍ତି । ସେ କହିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀକୁ କଡ଼ା ଟକ୍କର ଦେଇ ହରାଇବା ଲାଗି ବିଜେପି ସବୁବେଳେ ପ୍ରସ୍ତୁତ ।
‘ପଶ୍ଚିମବଙ୍ଗରେ ହେବାକୁ ଥିବା ନିର୍ବାଚନରେ ବିଜେପି ବିଜୟୀ ହେବ ଆଉ ଏଥିଲାଗି ବିଜେପି ସମ୍ପୂର୍ଣ୍ଣ ପ୍ରସ୍ତୁତ ଅଛି । ବର୍ତ୍ତମାନ ସମୟ ଆସିଯାଇଛି ମମତା ସରକାରକୁ ହରାଇବା’ ବୋଲି କହିଛନ୍ତି ରାମ ମାଧବ । ଆସନ୍ତା ବର୍ଷ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ଅଛି । ଚଳିତ ମାସ ଗୃହମନ୍ତ୍ରୀ ଅମିତ ଶାହ ପଶ୍ଚିମବଙ୍ଗ ଗସ୍ତ କରିବେ ।
@ANI
