ନୂଆଦିଲ୍ଲୀ: ମୌସୁମୀ ବର୍ଷାର ପ୍ରଭାବ ପର୍ବତରୁ ସମତଳ ରାଜ୍ୟ ପର୍ଯ୍ୟନ୍ତ ଜାରି ରହିଛି । ମହାରାଷ୍ଟ୍ରର ଅନେକ ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନାକୁ ଦୃଷ୍ଟିରେ ରଖି ପାଣିପାଗ ବିଭାଗ ଏକ 'ରେଡ ଆଲର୍ଟ' ଜାରି କରିଛି। ଏଥି ସହିତ ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳରେ ବର୍ଷା ହେବାର ଆଶଙ୍କା ରହିଛି । ପ୍ରବଳ ବର୍ଷା ଯୋଗୁଁ ଓଡିଶା, ତେଲେଙ୍ଗାନା, ଛତିଶଗଡ, ରାଜସ୍ଥାନ ଏବଂ ଗୁଜରାଟରେ ବହୁ କ୍ଷତି ହୋଇଛି । ଓଡ଼ିଶା ଏବଂ ତେଲେଙ୍ଗାନାରେ ରବିବାର ବର୍ଷା ଜନିତ ଘଟଣାରେ 4 ଜଣଙ୍କର ମୃତ୍ୟୁ ଘଟିଛି।
ପାଣିପାଗ କେନ୍ଦ୍ରର ସୂଚନା ମୁତାବକ, ସୋମବାର ପର୍ଯ୍ୟନ୍ତ ରାଜ୍ୟର ଅନେକ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ତେବେ ଏହି ଘୂର୍ଣ୍ଣିବଳୟ ବର୍ତ୍ତମାନ ଦୁର୍ବଳ ହୋଇ ଝାଡଖଣ୍ଡ ଏବଂ ପଡୋଶୀ ରାଜ୍ୟ ଆଡକୁ ଗତି କରିଛି। ପାଣିପାଗ ପୂର୍ବାନୁମାନ ଏଜେନ୍ସି ସ୍କାଏମେଟ ଅନୁଯାୟୀ, ହିମାଚଳ ପ୍ରଦେଶ, ଉତ୍ତରାଖଣ୍ଡ, ମହାରାଷ୍ଟ୍ର, ଗୋଆ, କର୍ଣ୍ଣାଟକ, ତେଲେଙ୍ଗାନା, ଛତିଶଗଡ, ମଧ୍ୟପ୍ରଦେଶ, ଗୁଜୁରାଟ, ପଶ୍ଚିମବଙ୍ଗ, ଆସାମ, ମେଘାଳୟ, ଅରୁଣାଚଳ ପ୍ରଦେଶ ଏବଂ ନାଗାଲାଣ୍ଡରେ ଆସନ୍ତା 24 ଘଣ୍ଟା ମଧ୍ୟରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି ।
ଦିଲ୍ଲୀ ସମେତ ଉତ୍ତର ଭାରତର ଅଧିକାଂଶ ଅଞ୍ଚଳରେ ଲୋକମାନେ ଗରମରେ ଅସହ୍ୟ ହୋଇପଡିଛନ୍ତି। ରବିବାର ଦିଲ୍ଲୀର ଆର୍ଦ୍ରତା ସ୍ତର 91 ପ୍ରତିଶତରେ ପହଞ୍ଚିଥିବାବେଳେ ସର୍ବାଧିକ ତାପମାତ୍ରା 36.5 ଡିଗ୍ରୀ ସେଲସିୟସରେ ରେକର୍ଡ କରାଯାଇଛି । ଯାହାକି ସ୍ୱାଭାବିକଠାରୁ 3 ଡିଗ୍ରୀ ସେଲସିୟସ ଅଟେ। ଆସନ୍ତା 2 ଦିନ ଦିଲ୍ଲୀରେ ବର୍ଷା ହେବାର ପୂର୍ବାନୁମାନ କରିଛି ପାଣିପାଗ ବିଭାଗ।
ବଙ୍ଗୋପସାଗରରେ କମ ଚାପ ଯୋଗୁଁ ପ୍ରବଳ ବର୍ଷା ହେତୁ ରବିବାର ଓଡିଶାର ଅନେକ ସ୍ଥାନରେ ବନ୍ୟା ପରିସ୍ଥିତି ଦେଖାଦେଇଛି। ଚାଳ ବା କଚ୍ଚା ଘର ଭାଙ୍ଗା ହୋଇଯାଇଛି । ଅନେକ ଫସଲ ମଧ୍ୟ ନଷ୍ଟ ହୋଇଯାଇଛି । ଏଥିରେ ଦୁଇ ଜଣଙ୍କର ମୃତ୍ୟୁ ମଧ୍ୟ ହୋଇଛି । ରାଜ୍ୟରେ ପ୍ରବଳ ବର୍ଷା ହେତୁ ମାଲକାନଗିରି, ଢେଙ୍କାନାଳ, ଭଦ୍ରକ ଏବଂ କଟକ ଜିଲ୍ଲା ସମେତ ଅନେକ ଅଞ୍ଚଳରେ ଜନ ଜୀବନ ବ୍ୟାହତ ହୋଇଛି।
ତେଲେଙ୍ଗାନାର ଅନେକ ଅଂଶରେ ପ୍ରବଳ ବର୍ଷା ଜାରି ରହିଛି । ନାଗାରକୁରନୁଲ ଜିଲ୍ଲାରେ ଏକ ଘର ଭୁଶୁଡି ପଡିବାରୁ 80 ବର୍ଷରୁ ଉର୍ଦ୍ଧ୍ବ ଜଣେ ବୃଦ୍ଧି ଏବଂ ତାଙ୍କ 50 ବର୍ଷର ଝିଅର ମୃତ୍ୟୁ ଘଟିଛି ।
ମହାରାଷ୍ଟ୍ରର ପୁନେ ଏବଂ ସତରା ଜିଲ୍ଲାରେ ପ୍ରବଳ ବର୍ଷା ହେବା ନେଇ 'ରେଡ ଆଲର୍ଟ' ଜାରି କରିଛି ପାଣିପାଗ ବିଭାଗ । ସୋମବାର ମୁମ୍ବାଇ, ରାଇଗଡ ଏବଂ ପାଲଘରରେ ମଧ୍ୟ ପ୍ରବଳ ବର୍ଷା ହେବାନେଇ ସୂଚନା ରହିଛି । ମଙ୍ଗଳବାର ଠାରୁ ବର୍ଷା ହ୍ରାସ ପାଇବାର ସମ୍ଭାବନା ରହିଛି ।
ଛତିଶଗଡରେ ଗତ 24 ଘଣ୍ଟା ଧରି ଲଗାତାର ବର୍ଷା ହେତୁ ଜୀବନ ଯାତ୍ରା ପ୍ରଭାବିତ ହୋଇଛି । 70 ରୁ ଅଧିକ ଗାଁ ମୁଖ୍ୟାଳୟ ସହିତ ଯୋଗାଯୋଗ ବିଚ୍ଛିନ୍ନ ହୋଇଛି । ଶାବରୀ ନଦୀରେ ଜଳସ୍ତର ବୃଦ୍ଧି ପାଇଛି । ଯେଉଁଥିପାଇଁ 30 ନମ୍ବର ଜାତୀୟ ରାଜପଥ ଉପରକୁ ଜଳ ମାଡି ଆସିଛି । ତଳିଆ ବସ୍ତିରେ ପାଣି ପଶିଯିବା କାରଣରୁ ଲୋକଙ୍କୁ ଅନ୍ୟ ସ୍ଥାନ ପରେ ସେମାନଙ୍କୁ ସ୍ଥାନାନ୍ତର କରାଯାଇଛି । ମୁଖ୍ୟମନ୍ତ୍ରୀ ଭୁପେଶ ବାଘେଲ ସମସ୍ତ ଜିଲ୍ଲା ମାଜିଷ୍ଟ୍ରେଟ ଏବଂ ପୋଲିସ ଅଧୀକ୍ଷକଙ୍କୁ ସଜାଗ ରହିବାକୁ ନିର୍ଦ୍ଦେଶ ଦେଇଛନ୍ତି।
ଗୋଦାବରୀ ନଦୀରେ ଜଳ ସ୍ତର ବିପଦ ସ୍ତରରୁ ଅଧିକ ହୋଇଛି। ଓଡ଼ିଶା, ଆନ୍ଧ୍ରପ୍ରଦେଶ, ତେଲେଙ୍ଗାନାକୁ ସଂଯୋଗ କରୁଥିବା ରାସ୍ତାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। କେରଳର ଇଡୁକି ଜିଲ୍ଲାରେ ଭୂସ୍ଖଳନରେ ପ୍ରାଣ ହରାଇଥିବା ଲୋକଙ୍କ ସଂଖ୍ୟା 58କୁ ବୃଦ୍ଧି ପାଇଛି।
4 ଦିନ ଧରି ବର୍ଷା ହେତୁ ଗୁଜୁରାଟରେ ଗିର୍ମାଲା ଜଳପ୍ରପାତ ପ୍ରବାହିତ ହେଉଛି। ଏହି ଜଳପ୍ରପାତ 100 ଫୁଟରୁ ଅଧିକ ଉଚ୍ଚରେ ରହିଛି । ପ୍ରବଳ ବର୍ଷା ହେତୁ ଜଳସ୍ତର ବୃଦ୍ଧି ପାଉଛି ।
କର୍ଣ୍ଣାଟକର ଡାଭାନାଗେରେ ଜିଲ୍ଲାର ତୁଙ୍ଗଭଦ୍ର ନଦୀର ତରଙ୍ଗରେ ଡଜନେ ମାଙ୍କଡ ଫସି ରହି ଦୁଇ ଦିନ ଗଛରେ ବସିଥିଲେ। ଭୋକିଲା ତୃଷିତ ମାଙ୍କଡ଼ମାନଙ୍କର ଅବସ୍ଥା ଅସୁବିଧାରେ ପଡ଼ିଥିଲା | ତେବେ ଉଦ୍ଧାରକାରୀ ଦଳ ବାଉଁଶ ବାଡ଼ିରେ ବାନ୍ଧି ଏହାକୁ ଟାଣି ନେଇଥିଲେ ଏବଂ ସମସ୍ତ ମାଙ୍କଡମାନେ ଏହି ସିଡ଼ି ଦେଇ ବନ୍ୟା ପରିସ୍ଥିତିରୁ ବାହାରି ଆସିଥିଲେ।
ରାଜସ୍ଥାନରେ ମଧ୍ୟ ଜାରି ରହିଛି ପ୍ରବଳ ବର୍ଷା । ଯାହାକୁ ନେଇ ରାଜ୍ୟର କେତେକ ଅଞ୍ଚଳରେ ବନ୍ୟା ପରିସ୍ଥିତି ମଧ୍ୟ ସୃଷ୍ଟି ହୋଇଛି। ଏନେଇ ପ୍ରଶାସନ ପକ୍ଷରୁ ସତର୍କ ସୂଚନା ଜାରି ହୋଇଛି ।
ବିହାରର 14 ଟି ଜିଲ୍ଲା ବନ୍ୟା ଘେରରେ ରହିଛି । ସମସ୍ତିପୁର ସବୁଠାରୁ ଅତ୍ୟଧିକ ବିପଦ ସଙ୍କୁଳରେ ରହିଛି । ଏଠାରେ ବାଗମତି ନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଛି, ଏହି କାରଣରୁ ଜିଲ୍ଲାରେ 9 ଟି ବ୍ଲକର 135ଟି ଗାଁ ଜଳମଗ୍ନ ହୋଇଛି । ହଜାର ହଜାର ଲୋକ ଭୂମିହୀନ ହୋଇ ରାସ୍ତା କଡ଼ରେ ରହିବାକୁ ବାଧ୍ୟ ହୋଇଛନ୍ତି।
