ରାୟପୁର: ନକ୍ସଲ ପ୍ରଭାବିତ ଅଞ୍ଚଳରେ ନୂଆ ପୋଲିସ କ୍ୟାମ୍ପକୁ ନେଇ ଗ୍ରାମବାସୀଙ୍କ ପ୍ରତିବାଦ ଘଟଣା । ଦନ୍ତେୱାଡା ଏସପିଙ୍କ କହିବାନୁଯାୟୀ ବର୍ତ୍ତମାନ ପରିସ୍ଥିତି ସ୍ବାଭାବିକ ରହିଛି । ଗ୍ରାମବାସୀମାନେ ଏହା ନକ୍ସଲଙ୍କ ଦବଦବାରେ ଆସି ଏପରି କରିଥିବା ଦନ୍ତେୱାଡା ଏସପି ଅଭିଷେକ ପଲ୍ଲଭା ସୂଚନା ଦେଇଛନ୍ତି ।
ଛତିଶଗଡ ଦନ୍ତେୱାଡା ଜିଲ୍ଲାର ପୋଟାଳି ଗ୍ରାମରେ ଗତକାଲି ଗ୍ରାମବାସୀମାନେ ଆନ୍ଦୋଳନ କରିଥିଲେ । କ୍ୟାମ୍ଫକୁ ଗ୍ରାମବାସୀମାନେ ଘେରାଉ କରିବାକୁ ଉଦ୍ୟମ କରିଥିଲେ । ପରିସ୍ଥିତି ଏପରି ହୋଇଥିଲା ଯେ ପୋଲିସକୁ ଟିୟର ଗ୍ୟାସ ମାଡ କରିବାକୁ ପଡିଥିଲା ।
ସୂଚନାଯୋଗ୍ୟ, ଏହି ଅଞ୍ଚଳ ନକ୍ସଲ ପ୍ରଭାବିତ ଅଞ୍ଚଳ ଭାବରେ ପରିଚିତ । ଗତ ଲୋକସଭା ନିର୍ବାଚନରେ ବିଜେପି ବିଧାୟକ ଭୀମା ମାଣ୍ଡବୀ ଏକ ରାଲି ଆୟୋଜନ କରିଥିଲେ । ଯେଉଁଥିରେ ପୂର୍ବ ଯୋଜନା ଅନୁସାରେ ନକ୍ସଲମାନେ ରାଲିରେ ବୋମା ବିସ୍ଫୋରଣ କରିଥିଲେ । ଫଳରେ ବିଧାୟକଙ୍କ ସହ ଅନେକ ଲୋକଙ୍କର ମୃତ୍ୟୁ ହୋଇଥିଲା । ତେବେ ଏହି ଘଟଣାରେ ସମ୍ପୃକ୍ତ ନକ୍ସଲଙ୍କ ସମର୍ଥନରେ ଗ୍ରାମବାସୀମାନେ ଆନ୍ଦୋଳନ କରିଥିବା ପୋଲିସ ସୂଚନା ଦେଇଛି ।
