ନୂଆଦିଲ୍ଲୀ: ମହାମାରୀ କୋରୋନାକୁ ହରାଇ ସୁସ୍ଥ ହୋଇଛନ୍ତି ଉପରାଷ୍ଟ୍ରପତି ଏମ ଭେଙ୍କେୟା ନାଇଡୁ । ନାଇଡୁଙ୍କ କୋରୋନା ରିପୋର୍ଟ ନେଗେଟିଭ ଆସିଥିବା ଉପରାଷ୍ଟ୍ରପତିଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି । ତେବେ 29 ସେପ୍ଟେମ୍ବରରେ ଉପରାଷ୍ଟ୍ରପତି କୋରୋନାରେ ଆକ୍ରାନ୍ତ ହୋଇଥିଲେ ।
71 ବର୍ଷିୟ ଭେଙ୍କେୟାଙ୍କ ନିକଟରେ କୌଣସି କୋରୋନା ଲକ୍ଷଣ ନଥିବା ବେଳେ ସେ ସୁସ୍ଥ ଥିଲେ । ତେବେ କୋରୋନାରୁ ସୁସ୍ଥ ହେବା ପରେ ସେ କିଛି ଦିନ ପାଇଁ ଏବେ ହୋମ ଆଇସୋଲେସନରେ ରହିବେ ବୋଲି ଜଣାପଡିଛି ।
ଉପରାଷ୍ଟ୍ରପତିଙ୍କ ସଚିବାଳାୟ ପକ୍ଷରୁ ଏକ ବିବୃତ୍ତିରେ କୁହାଯାଇଛି ଯେ ସୋମବାର ଏମ୍ସରେ କରାଯାଇଥିବା RT-PCR ଟେଷ୍ଟ ଅନୁଯାୟୀ ଉଭୟ ଉପରାଷ୍ଟ୍ରପତି ଏବଂ ତାଙ୍କ ପତ୍ନୀ ଉଷା ନାଇଡୁ କୋଭିଡ ନେଗେଟିଭ ଚିହ୍ନଟ ହୋଇଛନ୍ତି ।
ନାଇଡୁଙ୍କ ସ୍ବାସ୍ଥ୍ୟବସ୍ଥା ଭଲ ଅଛି ଏବଂ ଡାକ୍ତରଙ୍କ ପରାମର୍ଶ ଅନୁଯାୟୀ ଶୀଘ୍ର ନିଜ କାର୍ଯ୍ୟ ଆରମ୍ଭ କରିବେ ବୋଲି ଆଶା କରାଯାଉଛି । ତେବେ ଆରୋଗ୍ୟ ନେଇ ପ୍ରାର୍ଥନା କରିଥିବା ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି ଉପରାଷ୍ଟ୍ରପତି ।
