ୱାସିଂଟନ: ଖୁବ ଶୀଘ୍ର ଭାରତ ଆସିପାରନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଆମେରିାକର ହୋଷ୍ଟନରେ ଆୟୋଜିତ ହୋଇଥିବା 'ହାଉଡି ମୋଦି' କାର୍ଯ୍ୟକ୍ରମରେ ଏଭଳି କହିଛନ୍ତି ଟ୍ରମ୍ପ । ଖୁବ ଶୀଘ୍ର ମୁମ୍ବାଇରେ ଏନବିଏ ବାସ୍କେଟ ବଲ ମ୍ୟାଚ ଆରମ୍ଭ ହେବାକୁ ଯାଉଛି । ଯଦି ପ୍ରଧାନମନ୍ତ୍ରୀ ମୋଦି ମତେ ନିମନ୍ତ୍ରଣ କରନ୍ତି ତେବେ ମୁଁ ଆସିପାରେ । ସାବଧାନ ରୁହ, ମୁଁ ଆସିପାରେ ବୋଲି ମୋଦିଙ୍କୁ ଇଙ୍ଗିତ କରି କହିଛନ୍ତି ଟ୍ରମ୍ପ ।
ଆମେରିକା ଟେକ୍ସାସର ହୋଷ୍ଟନରେ ଆୟୋଜିତ 'ହାଉଡି ମୋଦି' କାର୍ଯ୍ୟକ୍ରମରେ 50 ହଜାର ଲୋକଙ୍କୁ ସମ୍ବୋନ୍ଧିତ କରିଛନ୍ତି ପିଏମ ମୋଦି ଓ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସେହିସମୟରେ ଟ୍ରମ୍ପ ଆସନ୍ତା ମାସରେ ମୁମ୍ବାଇରେ ଆୟୋଜିତ ହେବାକୁ ଥିବା ଏନବିଏ ବାସ୍କେଟବଲ ମ୍ୟାଚ ବିଷୟରେ ଉଲ୍ଲେଖ କରିଥିଲେ ।
ସେ କହିଥିଲେ, ଖୁବଶୀଘ୍ର ଭାରତୀୟଙ୍କୁ ଏନବିଏ ବାସ୍କେଟବଲର ସମସ୍ତ ଉପକରଣ ମିଳିଯିବ । ତେବେ ପ୍ରଥମ ଏନବିଏ ମ୍ୟାଚ ଦେଖିବାକୁ ଲୋକମାନେ ଏକତ୍ରିତ ହେବେ। ଏଥିରେ ମୁଁ ବି ସାମିଲ ହେବାକୁ ଚାହୁଁଛି । ଯଦି ପିଏମ ମୋଦି ମତେ ନିମନ୍ତ୍ରଣ ଦିଅନ୍ତି ତେବେ ମୁଁ ବି ଆସିପାରେ ବୋଲି କହିଛନ୍ତି ଟ୍ରମ୍ପ । କ'ଣ ମୁଁ ଏହି ମ୍ୟାଚ ଦେଖିବାକୁ ଆସିପାରିବି ବୋଲି ମୋଦିଙ୍କୁ ପ୍ରଶ୍ନ କରିଛନ୍ତି ସେ ।
ସୂଚନାଯୋଗ୍ୟ୍ ଯେ, ରାଷ୍ଟ୍ରପତି ହେବା ପରେ ଟ୍ରମ୍ପ କେବେ ଭାରତ ଗସ୍ତରେ ଆସିନାହାନ୍ତି । ଯଦି ସେ ଏନବିଏ ମ୍ୟାଚ ଦେଖିବାକୁ ମୁମ୍ବାଇ ଆସନ୍ତି ତେବେ ଏହା ତାଙ୍କର ପ୍ରଥମ ଭାରତ ଗସ୍ତ ହେବ ।
