ନୂଆଦିଲ୍ଲୀ: ସାଧାରଣ ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିପୁଳ ବିଜୟ ପରେ ଚାରିଆଡୁ ଶୁଭେଚ୍ଛା ଏବଂ ଅଭିନନ୍ଦନ ସୁଅ ଛୁଟୁଛି । ନିର୍ବାଚନରେ ମୋଦିଙ୍କ ସୁପର ସୋ’ ପରେ ବିଜେପି ଆଉଥରେ ଦିଲ୍ଲୀ ଗାଦି ହାତେଇବ । ସେପଟେ ମୋଦିଙ୍କ ବିଜୟରେ ସମଗ୍ର ଦେଶ ସମେତ ବିଦେଶରୁ ଶୁଭେଚ୍ଛା ବାର୍ତ୍ତା ଛୁଟୁଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଜୟ ହେବା ପରେ ଆମେରିକା ସମତେ ଅନେକ ଦେଶ ଅଭିନନ୍ଦନ ଜଣାଇଛନ୍ତି । ସେପଟେ ଜାତିସଂଘ ସାଧାରଣ ସଚିବ ଅଣ୍ଟିନୋ ଗୁଟେରସ୍ ମଧ୍ୟ ମୋଦିଙ୍କ ବିଜୟ ପରେ ଖୁବ ଆଶାବାଦୀ ଥିବା ସୂଚନା ମିଳିଛି । ଜାତିସଂଘ ମୁଖ୍ୟଙ୍କ ମୁଖପାତ୍ର କହିଛନ୍ତି, ମୋଦିଙ୍କ ସହିତ କାମ କରିବାକୁ ଅଣ୍ଟିନୋ ଗୁଟେରସ୍ ଆଶାବାଦୀ । ବିଶେଷ କରି ଦୁଇ ନେତାଙ୍କ ମଧ୍ୟରେ ଜଳବାୟୁ ପରିବର୍ତ୍ତନ ନେଇ ଭଲ ସମ୍ପର୍କ ରହିଛି ବୋଲି ଜାତିସଂଘ ମୁଖ୍ୟଙ୍କ ମୁଖପାତ୍ର କହିଛନ୍ତି ।
'ଆମେ ଫଳାଫଳ ନେଇ ଅବଗତ । ଆମେ ମୋଦିଙ୍କ ସହିତ କାମ କରିବାକୁ ବେଶ ଆଶାବାଦୀ । ବିଶେଷ କରି ମୋଦି ଏବଂ ଜାତିସଂଘ ସାଧାରଣ ସଚିବଙ୍କ ମଧ୍ୟରେ ଜଳବାୟୁ ପରିବର୍ତ୍ତନ ଭଳି ପ୍ରସଙ୍ଗରେ ଭଲ ସମ୍ପର୍କ ରହିଛି' ବୋଲି ଜାତିସଂଘ ମୁଖ୍ୟ ଷ୍ଟିଫାନେ ଡୁଜାରିକ କହିଛନ୍ତି ।
